Afgreiðslufundur skipulagsstjóra - 548

Erindi dagsett 3. júlí 2015 þar sem Jóhanna Tryggvadóttir f.h. Hótels Eddu Akureyri, kt. 621297-6949, sækir um leyfi til að setja upp auglýsingaskilti á ljósastaur við innkeyrslu að lóðinni Eyrarlandsvegi 28.

Skipulagsstjóri hafnar erindinu þar sem auglýsingarskilti eru ekki leyfð utan lóðar. Bent er á að heimilt er að setja upp upplýsingaskilti innan lóðar, við innkeyrslu að lóð MA.

Erindi dagsett 3. júlí 2015 þar sem Baldur Hólm f.h. Norðurorku hf., kt. 550978-0169, sækir um leyfi til að setja upp færanlega rafmagnsdreifistöð sunnan Hlíðarfjallsvegar austan svæðis Bílaklúbbsins vegna aðstöðu fyrir Unglingalandlandsmót o.fl. Óskað er eftir stöðuleyfi til 1. september 2015. Meðfylgjandi eru myndir.

Skipulagsstjóri samþykkir erindið.

Erindi dagsett 6. júlí 2015 þar sem Kristján H. Kristjánsson f.h. Heiðrúnar Hermannsdóttur Beck sækir tímabundið um breytta notkun á þvotthúsi og geymslu í húsi nr. 2j við Grundargerði. Meðfylgjandi er samþykki meðeigenda í raðhúsinu.

Skipulagsstjóri samþykkir tímabundið leyfi til 5 ára.

Erindi dagsett 6. júlí 2015 þar sem Valgerður Melstað sækir um sameiningu eigna í húsi nr. 2 við Bjarmastíg í eina eign, einbýlishús.

Skipulagsstjóri tekur jákvætt í erindið og óskar eftir uppfærðum aðaluppdráttum.

Erindi dagsett 16. júní 2015 þar sem Tryggvi Tryggvason f.h. Fjölnis ehf., kt 530289-2069, sækir um breytingar á áður samþykktum teikningum af húsi nr. 6 við Þrumutún. Meðfylgjandi eru teikningar eftir Tryggva Tryggvason. Innkomnar teikningar 6. júlí 2015.

Skipulagsstjóri samþykkir erindið.

Erindi dagsett 8. júlí 2015 þar sem Karl Frímannsson sækir um byggingarleyfi fyrir viðbyggingu við hús nr. 14 við Kambsmýri. Meðfylgjandi eru teikningar eftir Valbjörn Ægi Vilhjálmsson.

Skipulagsstjóri samþykkir erindið.

Erindi dagsett 8. júlí 2015 þar sem Friðbjörn Benediktsson f.h. Johan Rönning hf., kt. 670169-5459, óskar eftir að byggingaráform, sem samþykkt voru 15. maí sl., fyrir stálgrindarskemmu á lóð nr. 2 við Draupnisgötu verði felld úr gildi.

Skipulagsstjóri samþykkir að fella byggingaráformin niður. Greiðsluseðill fyrir gatnagerðargjaldi verður felldur niður en önnur gjöld standa.

Erindi dagsett 10. júlí 2015 þar sem Finnur V. Bjarnason sækir um leyfi fyrir bílastæði á lóð nr. 44 við Norðurgötu. Einnig er spurt um hugsanlegar breytingar á inngangi hússins. Meðfylgjandi eru uppdrættir.

Skipulagsstjóri samþykkir 3 metra stæði með 4 metra úrtaki, enda verði frágangur á lóðarmörkum gerður í samráði við nágranna. Umsækjandi greiði kostnað vegna færslu á götugögnum, ef með þarf.

Sækja þarf um byggingarleyfi vegna hugsanlegra útlitsbreytinga á húsinu.

Þann 18. maí 2015 sótti Sigurður Einarsson f.h. Bílasölunnar Bílaríkis ehf., kt. 420190-2209, um viðbótarfrest til að fjarlægja húsið fyrir 30. júní 2015. Meðfylgjandi var samþykki lóðarhafa.

Á afgreiðslufundi 22. maí sl. var frestur veittur til 30. júní 2015.

Skipulagsstjóri fer fram á að sumarhúsið verði fjarlægt af lóðinni og gefur 7 daga frest frá dagsetningu þessa bréfs til að fjarlægja húsið.