Afgreiðslufundur byggingarfulltrúa - 863

Erindi dagsett 28. apríl 2022 þar sem Anna Margrét Hauksdóttir fyrir hönd BF bygginga sækir um byggingarleyfi fyrir raðhúsi á lóð nr. 1 við Margrétarhaga. Meðfylgjandi eru teikningar eftir Önnu Margréti Hauksdóttur.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 24. ágúst 2021 frá Vigdísi Álfheiði Stefánsdóttur þar sem hún sækir um leyfi til að gera bílastæði og úrtak úr kantsteini við hús nr. 27 við Langholt samkvæmt meðfylgjandi ljósmynd.

Byggingarfulltrúi samþykkir bílastæði með að hámarki 7 metra úrtaki í kantstein á lóð með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 4. maí 2022 þar sem Fanney Hauksdóttir fyrir hönd Kötlu Þorsteinsdóttur sækir um byggingarheimild fyrir breytingum á húsi nr. 8 við Hrafnabjörg. Fyrirhugaðar eru endurbætur á þaki, gluggum, lögnum og breytt innra skipulag. Meðfylgjandi eru teikningar eftir Fanneyju Hauksdóttur.

Byggingarfulltrúi samþykkir erindið.

Erindi dagsett 25. apríl 2022 þar sem Karl Hjartarson fyrir hönd Geirs Sigurðssonar og Stellu Bryndísar Karlsdóttur sækir um byggingarleyfi fyrir einbýli á lóð nr. 4 við Matthíasarhaga. Innkomnar nýjar teikningar eftir Bjarna Reykjalín 11. maí 2022.

Byggingarfulltrúi samþykkir erindið.

Erindi dagsett 6. maí 2022 þar sem Hallur Kristmundsson fyrir hönd Lækjarsels ehf. sækir um byggingarleyfi fyrir breytingum á húsi nr. 2 við Hlíðargötu. Fyrirhugað er að einangra og klæða húsið að utan, taka skyggni yfir inngangi, bæta við bílskýli og steypa vegg á lóðamörkum við Oddeyrargötu 36. Meðfylgjandi eru teikningar eftir Hall Kristmundsson.

Byggingarfulltrúi óskar umsagnar skipulagsráðs um erindið.

Erindi dagsett 6. maí 2022 þar sem Ragnar Freyr Guðmundsson fyrir hönd Hörpu Steingrímsdóttur og Vignis Más Þormóðssonar leggur inn fyrirspurn varðandi byggingu bílgeymslu við hús nr. 38 við Helgamagrastræti. Meðfylgjandi eru tillöguteikningar.

Byggingarfulltrúi óskar umsagnar skipulagsráðs um erindið.

Erindi dagsett 30. mars 2022 þar sem Rögnvaldur Harðarson fyrir hönd Byggingarfélagsins Stafnsins sækir um byggingarleyfi fyrir húsi á lóð nr. 8 við Týsnes. Innkomnar nýjar teikningar 5. maí 2022.

Byggingarfulltrúi samþykkir erindið.