Afgreiðslufundur byggingarfulltrúa - 791

Erindi dagsett 19. ágúst 2020 þar sem Ragna Valdís Elísdóttir, fyrir hönd allra húseigenda, sækir um byggingarleyfi fyrir endurnýjun svala á húsi nr. 9 við Höfðahlíð og nýjum svaladyrum úr stofum samkvæmt meðfylgjandi teikningum eftir Árna Gunnar Kristjánsson. Meðfylgjandi er samþykki eigenda í húsinu. Innkomnar nýjar teikningar 11. nóvember 2020.

Byggingarfulltrúi samþykkir erindið.

Erindi dagsett 8. október 2020 þar sem Haraldur S. Árnason fyrir hönd Tréverks ehf. sækir um byggingarleyfi fyrir tveggja hæða fjölbýli með sjö íbúðum á lóð nr. 6 við Jóninnuhaga. Meðfylgjandi eru teikningar eftir Harald S. Árnason. Innkomnar nýjar teikningar 11. og 19. nóvember 2020.

Byggingarfulltrúi samþykkir erindið.

Erindi dagsett 20. október 2020 þar sem Valþór Brynjarsson fyrir hönd Péturs Maack Þorsteinssonar sækir um byggingarleyfi fyrir viðbyggingu ásamt endurnýjun þaks á húsi nr. 11 við Munkaþverárstræti. Meðfylgjandi eru teikningar eftir Valþór Brynjarsson. Innkomnar nýjar teikningar 12. nóvember 2020.

Byggingarfulltrúi samþykkir erindið.

Erindi dagsett 23. október 2020 þar sem Fanney Hauksdóttir fyrir hönd Sjúkrahússins á Akureyri sækir um byggingarleyfi fyrir breytingum á sjúkrahúsinu við Eyrarlandsveg. Fyrirhugað er að bæta við anddyri á norðurhlið B-álmu. Meðfylgjandi eru teikningar eftir Fanneyju Hauksdóttur. Innkomnar nýjar teikningar 10. nóvember 2020.

Byggingarfulltrúi samþykkir erindið.

Erindi dagsett 9. nóvember 2020 þar sem Elín Kjartansdóttir fyrir hönd Lyfju hf. sækir um leyfi til að innrétta apótek á 1. hæð Glerárgötu 34, eign 0101, samkvæmt meðfylgjandi teikningum eftir Elínu Kjartansdóttur. Innkomnar nýjar teikningar 17. nóvember 2020.

Byggingarfulltrúi samþykkir erindið.