Afgreiðslufundur byggingarfulltrúa - 855

Erindi dagsett 28. febrúar 2022 þar sem Skarphéðinn Reynisson sækir um úrtak úr kantsteini fyrir bílastæði við hús nr. 1 við Ægisgötu. Meðfylgjandi er mynd.

Byggingarfulltrúi samþykkir bílastæði með allt að 4 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 4. mars 2022 þar sem Valbjörn Ingi Vilhjálmsson sækir um byggingarleyfi fyrir einbýlishús á lóð nr. 23 við Hulduholt.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 12. janúar 2022 þar sem Gunnar Stefán Larsen fyrir hönd Hampiðjunnar Ísland ehf. sækir um byggingarleyfi fyrir breytingum á húsi nr. 1 við Norðurtanga. Fyrirhugað er að innrétta verslunarrými á jarðhæð og útbúa starfsmannaaðstöðu á annarri hæð. Brunavarnir verða skilgreindar að nýju. Innkomnar nýjar teikningar 7. mars 2022.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 2. nóvember 2021 þar sem Þórir Guðmundsson fyrir hönd Kasa fasteigna ehf. sækir um byggingarleyfi fyrir breytingum í húsi nr. 1 við Ráðhústorg. Fyrirhugað er að breyta rými sem nú er skyndibitastaður í aðstöðu fyrir fasteignasölu. Meðfylgjandi eru teikningar eftir Þóri Guðmundsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 14. febrúar 2022 frá Helga Má Halldórssyni þar sem hann fyrir hönd Smáragarðs ehf. sækir um byggingarleyfi fyrir þremur samsettum gámum staðsettum hjá húsi nr. 2 við Óðinsnes. Innkomnar nýjar teikningar 2. mars 2022.

Byggingarfulltrúi samþykkir erindið.