Afgreiðslufundur byggingarfulltrúa - 813

Erindi dagsett 29. september 2020 þar sem Álfhildur Ólafsdóttir sækir um byggingarleyfi fyrir breytingum á húsi nr. 18 við Lönguhlíð. Fyrirhugað er að útbúa þrískiptan glugga á austurhlið hússins. Innkomnar nýjar teikningar 2. maí 2021.

Byggingarfulltrúi samþykkir erindið.

Erindi dagsett 31. mars 2021 þar sem Júlía Þrastardóttir óskar eftir lengra úrtaki fyrir bílastæði við hús nr. 22 við Hríseyjargötu í ljósi framkvæmda Norðurorku og Akureyrarbæjar í götunni.

Byggingarfulltrúi hafnar erindinu með vísun í verklagsreglur Akureyrarbæjar um úrtök í kantsteina þar sem fyrir eru við lóðina eitt 4 m úrtak frá Hríseyjargötu og annað sambærilegt frá Eyrarvegi.

Erindi dagsett 26. apríl 2021 þar sem Gunnlaugur Björn Jónsson fyrir hönd Birgittu Ásgrímsdóttur og Skarphéðins Reynissonar sækir um byggingarleyfi fyrir breytingum á húsi nr. 14 við Aðalstræti. Fyrirhugað er að endurnýja ytra byrði hússins og glugga og setja svalir á vesturhlið. Meðfylgjandi eru teikningar eftir Gunnlaug Björn Jónsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 26. apríl 2021 þar sem Guðni Sigurbjörn Sigurðsson fyrir hönd Dagfríðar Guðrúnar Arnardóttur sækir um byggingarleyfi fyrir iðnaðarhúsnæði á lóð nr. 18 við Goðanes. Meðfylgjandi eru teikningar eftir Guðna Sigurbjörn Sigurðsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 29. apríl 2021 þar sem Árni Gunnar Kristjánsson fyrir hönd Önnu Sjafnar Stefánsdóttur sækir um byggingarleyfi fyrir breytingum í húsi nr. 1 við Skipagötu. Fyrirhugað er að breyta rými 0201 aftur í íbúð.

Byggingarfulltrúi samþykkir erindið.

Erindi dagsett 30. apríl 2021 þar sem Árni Gunnar Kristjánsson fyrir hönd umhverfis- og mannvirkjasviðs Akureyrarbæjar sækir um byggingarleyfi fyrir steyptum stoðvegg við aðkomu að Nonnahúsi á lóðinni nr. 54 við Aðalstræti. Meðfylgjandi eru teikningar eftir Árna Gunnar Kristjánsson. Meðfylgjandi er samþykki nágranna.

Byggingarfulltrúi samþykkir erindið.

Erindi dagsett 4. maí 2021 þar sem Vaka Arnþórsdóttir sækir um leyfi fyrir bílastæði við hús nr. 53 við Huldugil. Meðfylgjandi er skýringarmynd.

Byggingarfulltrúi óskar umsagnar skipulagsráðs um erindið.