Afgreiðslufundur byggingarfulltrúa - 790

Erindi dagsett 3. nóvember 2020 þar sem Hjalti Steinþórsson fyrir hönd Idea ehf. sækir um samþykki fyrir breytingum á 2. hæð frá áður samþykktum teikningum af húsi nr. 47 við Gránufélagsgötu. Meðfylgjandi eru teikningar eftir Hauk Ásgeirsson.

Byggingarfulltrúi samþykkir erindið.

Erindi dagsett 20. október 2020 þar sem Björgvin Snæbjörnsson fyrir hönd Guðmundar Snorra Guðmundssonar sækir um byggingarleyfi fyrir einbýlishúsi á lóð nr. 9 við Nonnahaga. Meðfylgjandi eru teikningar eftir Björgvin Snæbjörnsson. Innkomnar nýjar teikningar 11. nóvember 2020.

Byggingarfulltrúi samþykkir erindið.

Erindi dagsett 22. október 2020 þar sem Fanney Hauksdóttir fyrir hönd Norðurorku hf. sækir um byggingarleyfi fyrir breytingum á innra skipulagi húsa 1 og 4 á lóð nr. 2 við Rangárvelli ásamt að byggja anddyri og hjólageymslu við hús 1. Meðfylgjandi eru teikningar eftir Fanneyju Hauksdóttur. Skipulagsráð heimilaði deiliskipulagsbreytingu á fundi þann 11. nóvember 2020.

Byggingarfulltrúi frestar afgreiðslu þar til deiliskipulagsbreytingin hefur tekið gildi.

Erindi dagsett 4. nóvember 2020 þar sem Haraldur S. Árnason fyrir hönd Alexanders Benediktssonar sækir um leyfi til jarðvegsskipta fyrir einbýlishúsi á lóð nr. 17 við Nonnahaga skv. meðfylgjandi tillöguteikningu eftir Harald S. Árnason. Skipulagsráð samþykkti breytingu á áður uppgefnum gólfkóta fyrir húsið á fundi þann 11. nóvember 2020.

Byggingarfulltrúi samþykkir heimild til jarðvegsskipta en frestar erindinu að öðru leyti.

Erindi dagsett 29. október 2020 þar sem Birgir Ágústsson fyrir hönd Búvís ehf. sækir um byggingarleyfi fyrir áfanga eitt á lóð nr. 2 við Grímseyjargötu. Meðfylgjandi eru teikningar eftir Birgi Ágústsson.

Byggingarfulltrúi frestar afgreiðslu með vísan til athugasemda í skoðunarskýrslu.