Afgreiðslufundur byggingarfulltrúa - 783

Erindi dagsett 9. júní 2020 þar sem Fanney Hauksdóttir fyrir hönd Þorsteins Más Baldvinssonar sækir um byggingarleyfi fyrir nýju einbýlishúsi á lóðinni nr. 31 við Eyrarlandsveg. Meðfylgjandi eru teikningar eftir Fanneyju Hauksdóttur. Innkomnar nýjar teikningar 14. september 2020.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 15. september 2020 þar sem Hjörleifur Árnason sækir um bílastæði og úrtak úr kantsteini við hús sitt nr. 3 við Rauðumýri. Meðfylgjandi er mynd.

Byggingarfulltrúi samþykkir bílastæðið með 4 metra úrtaki með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf.

Erindi dagsett 22. september 2020 þar sem Tryggvi Tryggvason fyrir hönd Kjarnagötu 45 húsfélags, kt. 580517-0990, sækir um byggingarleyfi fyrir svalalokunum í húsi nr. 45 við Kjarnagötu.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 22. september 2020 þar sem Þröstur Sigurðsson fyrir hönd TG Eigna ehf., kt. 590214-0350, sækir um breytta skráningu á húsi nr. 5 við Skólastíg, úr gistiskála í einbýlishús.

Byggingarfulltrúi samþykkir erindið.