Afgreiðslufundur byggingarfulltrúa - 720

Erindi dagsett 4. apríl 2019 þar sem Anton Örn Brynjarsson fyrir hönd Norðurorku hf., kt. 550978-0169, sækir um byggingarleyfi fyrir stækkun húss nr. 7 við Rangárvelli 2, um þrjú bil til suðurs. Meðfylgjandi eru teikningar eftir Fanneyju Hauksdóttur. Innkomnar nýjar teikningar 23. apríl 2019.

Byggingarfulltrúi samþykkir erindið.

Erindi móttekið 24. apríl 2019 þar sem Guðmundur Hjálmarsson fyrir hönd G. Hjálmarssonar hf., kt. 630196-3619, sækir um stöðuleyfi fyrir vinnubúðir fyrirtækisins á geymslusvæði þess að Goðanesi 2. Jafnframt er óskað heimildar til að halda vinnubúðum upphituðum til betri varðveislu. Meðfylgjandi er afstöðumynd af lóðinni.

Byggingarfulltrúi samþykkir erindið. Tekið er fram að ekki er heimilt að tengja frárennslis- og vatnslagnir við búðirnar, eða nýta þær til íveru.

Erindi móttekið 17. apríl 2019 þar sem Valþór Brynjarsson fyrir hönd Akureyrarbæjar, kt. 410169-6229, sækir um breytingar á íþróttahúsi Glerárskóla við Höfðahlíð. Skipta á um þakeiningar, endurnýja gólf og loftræsikerfi. Meðfylgjandi eru teikningar eftir Valþór Brynjarsson.

Byggingarfulltrúi frestar afgreiðslu með vísan til athugasemda á fylgiblaði.

Erindi móttekið 16. apríl 2019 þar sem Gísli Kristinsson fyrir hönd Hafnasamlags Norðurlands, kt. 410169-6229, sækir um leyfi til að byggja ofan á svalir á 2. hæð húss nr. 2 við Fiskitanga. Meðfylgjandi eru teikningar eftir Gísla Kristinsson.

Byggingarfulltrúi frestar afgreiðslu með vísan til athugasemda á fylgiblaði.