Afgreiðslufundur byggingarfulltrúa - 836

Erindi dagsett 27. janúar 2020 þar sem Haraldur S. Árnason fyrir hönd Fasteigna ehf. sækir um byggingarleyfi til að breyta 3. hæð Kaupvangsstrætis 16 í aðstöðu fyrir gistiskála. Meðfylgjandi er samþykki lóðarhafa og teikningar eftir Harald S. Árnason. Innkomnar nýjar teikningar 21. október 2021.

Byggingarfulltrúi samþykkir erindið.

Erindi dagsett 24. september 2021 þar sem Oddur Kristján Finnbjarnarson fyrir hönd Pollsins ehf. sækir um byggingarleyfi fyrir fjölbýli á lóð nr. 10-18 við Austurbrú. Meðfylgjandi eru teikningar eftir Odd Kristján Finnbjörnsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 2. október 2020 þar sem Arnar Freyr Jónsson sækir um leyfi til að byggja 16 m² viðbyggingu við kjallara hússins nr. 114 við Mýrarveg. Meðfylgjandi er teikning eftir Anton Örn Brynjarsson. Innkomnar nýjar teikningar 6. október 2021.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 24. september 2021 þar sem Valbjörn Ægir Vilhjálmsson fyrir hönd Jóns Kristins Valdimarssonar sækir um byggingarleyfi fyrir einbýlishúsi á lóð nr. 15 við Nonnahaga. Meðfylgjandi eru teikningar eftir Valbjörn Ægi Vilhjálmsson. Innkomnar nýjar teikningar 13. október 2021.

Byggingarfulltrúi samþykkir erindið.

Erindi dagsett 17. október 2021 þar sem Jón Már Héðinsson sækir um leyfi fyrir úrtaki á kantstein við hús nr. 3 við Klapparstíg. Meðfylgjandi er skýringarmynd.

Byggingarfulltrúi samþykkir bílastæði samkvæmt meðfylgjandi teikningu og úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.