Afgreiðslufundur byggingarfulltrúa - 858

Erindi dagsett 15. mars 2022 þar sem Rögnvaldur Harðarson fyrir hönd Grim apartments ehf. sækir um byggingarleyfi fyrir breytingum í húsi nr. 23B við Hafnarstræti. Fyrirhugað er að fjölga íbúðum úr tveimur í fjórar. Meðfylgjandi eru teikningar eftir Rögnvald Harðarson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 23. mars 2022 þar sem Árni Gunnar Kristjánsson fyrir hönd Sæmundar Sæmundssonar sækir um byggingarleyfi fyrir gestahús við Ystabæ - Miðbæ 2 í Hrísey. Meðfylgjandi eru teikningar eftir Árna Gunnar Kristjánsson.

Byggingarfulltrúi óskar umsagnar skipulagsráðs um erindið.

Erindi dagsett 23. mars 2022 þar sem Árni Gunnar Kristjánsson fyrir hönd Skuggsjár sækir um byggingarleyfi fyrir geymsluhúsi við Ystabæ - Miðbæ 3 í Hrísey. Meðfylgjandi eru teikningar eftir Árna Gunnar Kristjánsson.

Byggingarfulltrúi óskar umsagnar skipulagsráðs um erindið.

Erindi dagsett 2. nóvember 2021 þar sem Þórir Guðmundsson fyrir hönd Kasa fasteigna ehf. sækir um byggingarleyfi fyrir breytingum í húsi nr. 1 við Ráðhústorg. Fyrirhugað er að breyta rými sem nú er skyndibitastaður í aðstöðu fyrir fasteignasölu. Innkomnar nýjar teikningar 23. mars 2022.

Byggingarfulltrúi samþykkir erindið.

Erindi dagsett 8. mars 2022 þar sem X 457 ehf. sækir um byggingarleyfi fyrir breytingum í húsi nr. 3 við Aðalstræti. Fyrirhugað er að breyta innra skipulagi verslunar á 1. hæð. Innkomnar nýjar teikningar eftir Guðjón Þóri Sigfússon 28. mars 2022.

Byggingarfulltrúi samþykkir erindið.