Afgreiðslufundur byggingarfulltrúa - 774

Erindi dagsett 10. júlí 2020 þar sem Þröstur Sigurðsson fyrir hönd Old Farm ehf., kt. 550416-0930, sækir um leyfi fyrir breytingum á áður samþykktum teikningum af húsi nr. 6 við Sólvelli. Meðfylgjandi eru teikningar eftir Þröst Sigurðsson.

Byggingarfulltrúi samþykkir erindið.

Erindi dagsett 4. júní 2020 frá Valbirni Ægi Vilhjálmssyni þar sem hann fyrir hönd Einvarðs Jóhannssonar sækir um byggingarleyfi fyrir viðbyggingu og bílgeymslu við húsið Kringlumýri 11 samkvæmt meðfylgjandi teikningum eftir Valbjörn Ægi Vilhjálmsson. Innkomnar nýjar teikningar 13. júlí 2020.

Byggingarfulltrúi samþykkir erindið.

Erindi dagsett 9. júní 2020 frá Fanneyju Hauksdóttur þar sem hún fyrir hönd Þorsteins Más Baldvinssonar sækir um byggingarleyfi fyrir nýju einbýlishúsi á lóðinni nr. 31 við Eyrarlandsveg samkvæmt meðfylgjandi teikningum eftir Fanneyju Hauksdóttur.

Byggingarfulltrúi frestar afgreiðslu með vísan til skoðunarskýrslu.

Erindi dagsett 25. júní 2020 frá Aðalsteini Snorrasyni þar sem hann fyrir hönd Haga hf., kt. 670203-2120, sækir um stækkun á núverandi anddyri og skyggni á austurhlið hússins nr. 17 við Furuvelli. Meðfylgjandi eru teikningar eftir Aðalstein Snorrason. Skipulagsráð gaf jákvæða umsögn á fundi 8. júlí 2020.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 8. júlí 2020 þar sem Steinmar H. Rögnvaldsson fyrir hönd Ágústu Hrannar Kristinsdóttur sækir um leyfi fyrir breytingum á áður samþykktri bílgeymslu við hús nr. 10 við Fossagil. Fyrirhugað er að breyta bílgeymslunni í íbúðarrými, breyta útliti og byggja tengibyggingu við íbúðarhúsið. Meðfylgjandi eru teikningar eftir Steinmar H. Rögnvaldsson.

Byggingarfulltrúi samþykkir erindið.

Erindi dagsett 14. júlí 2020 þar sem Haraldur Sigmar Árnason fyrir hönd SS Byggis ehf. sækir um heimild til jarðvegsskipta fyrir húsið Elísabetarhaga 1 á lóðinni Kjarnagötu 51, á grundvelli innlagðra teikninga og deiliskipulags.

Byggingarfulltrúi samþykkir erindið.

Erindi dagsett 13. júlí 2020 þar sem Valdimar Geir Jóhannsson sækir um stöðuleyfi fyrir tvo jarðvegsgáma á suðurkanti götunar fyrir framan hús nr. 7 við Rauðumýri. Tímabilið sem um ræðir er frá 30. júlí til og með 21. ágúst nk. og er ástæðan fyrirhuguð jarðvegsskipti vegna drenlagnar kring um húsið. Fyrir liggur jákvæð umsögn umhverfis- og mannvirkjasviðs.

Byggingarfulltrúi samþykkir erindið. Gámur skal staðsettur fast við suður kant götunnar og að minnsta kosti 5m frá upphækkaðri gönguleið.