Afgreiðslufundur byggingarfulltrúa - 778

Erindi dagsett 7. ágúst 2020 frá Guðmundi Oddi Víðissyni þar sem hann fyrir hönd Festi fasteigna ehf., kt. 581113-1100, sækir um leyfi til að klæða norðurgafl á lágbyggingu Glerárgötu 36. Samþykki meðeiganda liggur fyrir í tölvupósti.

Byggingarfulltrúi samþykkir erindið.

Erindi Ágústar Hafsteinssonar dagsett 18. júní 2020, fyrir hönd umhverfis- og mannvirkjasviðs Akureyrarbæjar, þar sem óskað er eftir leyfi til að fjölga íbúðum á efri hæð Glerárholts úr einni í tvær þannig að í húsinu verði þrjár íbúðir.

Skipulagsráð tók jákvætt í fjölgun íbúða á fundi sínum þann 12. ágúst sl.

Byggingarfulltrúi óskar eftir fullunnum aðaluppdráttum og tilheyrandi gögnum.

Erindi dagsett 30. júní 2020 þar sem Haraldur Sigmar Árnason fyrir hönd Trétaks ehf., kt. 551087-1239, sækir um byggingarleyfi fyrir fjölbýlishúsinu Halldóruhaga 1 og bílakjallara á lóðinni nr. 59 við Kjarnagötu samkvæmt meðfylgjandi teikningum eftir Harald Sigmar Árnason. Innkomnar teikningar 4. ágúst 2020.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 14. júlí 2020 frá Baldri Svavarssyni þar sem hann fyrir hönd Norðurtorgs ehf., kt. 520220-2080, sækir um byggingarleyfi fyrir viðbyggingu við húsið Austursíðu 2 ásamt breytingum á notkun, innréttingu og á lóð hússins. Meðfylgjandi eru teikningar eftir Baldur Svavarsson.

Einnig er sótt um heimild til að rífa loftræstirými á þaki hússins og byggja nýjan stoðvegg á lóð við bílastæði.

Byggingarfulltrúi samþykkir niðurrif og byggingu stoðveggjar en frestar afgreiðslu erindisins að öðru leyti með vísan til athugasemda í skoðunarskýrslu.

Erindi dagsett 12. ágúst 2020 frá Þresti Sigurðssyni þar sem hann fyrir hönd Wave Guesthouse Hrísey ehf., kt. 480615-2390, sækir um leyfi fyrir breytingu á notkun hússins Austurvegi 9, Hrísey, úr gistiskála í einbýlishús. Meðfylgjandi eru teikningar eftir Þröst Sigurðsson.

Byggingarfulltrúi samþykkir erindið.

Erindi dagsett 12. ágúst 2020 frá Karli Guðmundssyni þar sem hann sækir um leyfi fyrir girðingu við hluta lóðarmarka lóðarinnar nr. 14 við Kambsmýri.

Meðfylgjandi er samþykki umhverfis- og mannvirkjasviðs.

Byggingarfulltrúi samþykkir erindið.