Afgreiðslufundur byggingarfulltrúa - 999

Erindi dagsett 17. október 2024 þar sem Ingvar Ívarsson f.h. Baldvins Más Hermannssonar og Margrétar Ástu Ívarsdóttur sækir um að tvöfalda bílastæði og úrtak úr kantsteini við hús nr. 8 við Hrafnagilsstræti.

Byggingarfulltrúi samþykkir bílastæði með 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 12. desember 2024 þar sem Gunnar Örn Sigurðsson f.h. Haga hf. sækir um byggingaráform og byggingarleyfi fyrir þjónustustöð með verslun, veitingum og vöruhúsi, ásamt útisvæði á lóð nr. 2 við Sjafnargötu. Innkomin gögn eftir Gunnar Örn Sigurðsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 20. desember 2024 þar sem Þorvaldur L. Björgvinsson f.h. Haga hf. sækir um byggingaráform og byggingarheimild fyrir minniháttar breytingum innandyra á lóð nr. 17 við Furuvelli. Innkomin gögn eftir Þorvald L. Björgvinsson.

Byggingarfulltrúi samþykkir erindið.

Erindi dagsett 15. desember 2024 þar sem Ævar Guðmundsson f.h. Sjávarbotns slf sækir um byggingaráform og byggingarheimild fyrir breytingum innanhúss á húsi nr. 19 við Kaupvangsstræti. Innkomin gögn eftir Ævar Guðmundsson.

Byggingarfulltrúi samþykkir erindið.

Erindi dagsett 13. október 2024 þar sem Þórir Guðmundsson f.h. Stefán Þórs Gestssonar sækir um byggingaráform og byggingarheimild fyrir bílgeymslu á lóð nr. 13 við Aðalstræti. Innkomin uppfærð gögn eftir Þóri Guðmundsson.

Byggingarfulltrúi samþykkir erindið. Eignaskiptayfirlýsing skal liggja fyrir áður en byggingarheimild er gefið út.

Erindi dagsett 26. nóvember 2024 þar sem Falk Kruger f.h. ZZ sport ehf sækir um byggingaráform og byggingarleyfi fyrir tveggja hæða raðhúsi á lóð nr. 5-11 að Hulduholti. Innkomin uppfærð gögn eftir A2F arkitekta.

Byggingarfulltrúi samþykkir erindið.

Erindi dagsett 10. nóvember 2024 þar sem Rögnvaldur Harðarson f.h. Gleypis ehf sækir um byggingaráform og byggingarheimild fyrir breytingum á geymslu í vinnustofu og íbúð í bakhúsi á lóð nr. 6 við Lundargötu. Jafnframt að byggja tvöfaldan bílskúr. Innkomin uppfærð gögn eftir Rögnvald Harðarson.

Byggingarfulltrúi samþykkir erindið.