Afgreiðslufundur byggingarfulltrúa - 919

Erindi dagsett 16. maí 2023 þar sem Alma Pálsdóttir fyrir hönd Fasteigna Akureyrarbæjar sækir um byggingaráform og byggingarleyfi fyrir ljósamöstrum og lögnum á knattspyrnuvelli. Meðfylgjandi eru teikningar eftir Ölmu Pálsdóttur.

Byggingarfulltrúi samþykkir erindið.

Erindi dagsett 15. febrúar 2023 þar sem Karl Hjartarson sækir um leyfi til að innrétta fótaaðgerðarstofu í bílgeymslu við hús sitt að Margrétarhaga 8. Meðfylgjandi eru teikningar, skriflegt samþykki nágranna og umsögn frá Vinnueftirliti og Heilbrigðiseftirliti Norðurlands eystra.

Byggingarfulltrúi samþykkir erindið.

Erindi dagsett 22. maí 2023 þar sem Ragnhildur Þorgeirsdóttir sækir um byggingaráform og byggingarheimild fyrir sólskála við hús sitt að Geirþrúðarhaga 5. Meðfylgjandi eru teikningar eftir Friðrik Friðriksson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 19. maí 2023 þar sem Haraldur S. Árnason fyrir hönd Eyþórs Árna Sigurólasonar leggur inn reyndarteikningar vegna eignarskiptayfirlýsingar fyrir Þórunnarstræti 125. Meðfylgjandi eru teikningar eftir Harald S. Árnason. Innkomnar nýjar teikningar 8. júní 2023.

Byggingarfulltrúi samþykkir erindið.