Afgreiðslufundur byggingarfulltrúa - 967

Erindi dagsett 6. maí 2024 þar sem Ágúst Hafsteinsson fyrir hönd Akureyrarbæjar sækir um byggingaráform og byggingarleyfi fyrir breytingum innanhúss í húsi nr. 6 við Skólastíg. Innkomin gögn eftir Ágúst Hafsteinsson.

Byggingarfulltrúi samþykkir erindið.

Erindi dagsett 7. maí 2024 þar sem Haraldur S. Árnason f.h. Þríforks ehf. sækir um byggingaráform og byggingarleyfi fyrir tveimur geymsluhúsnæðum á lóð nr. 14 við Týsnes. Innkomin gögn eftir Harald S. Árnason.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 7. maí 2024 þar sem Guðbergur Einar Svanbergsson óskar eftir stækkun á bílastæðaúrtaki við hús nr. 9 við Álfabyggð.

Byggingarfulltrúi samþykkir bílastæði með 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 6. maí 2024 þar sem Ragnar Freyr Guðmundsson f.h. LF1 ehf., sækir um breytingar á áður samþykktum teikningum í húsi nr. 102 við Hafnarstræti. Innkomin gögn eftir Ragnar Frey Guðmundsson.

Byggingarfulltrúi samþykkir erindið.

Erindi dagsett 7. maí 2024 þar sem Magnús Ingvarsson fyrir hönd Davíðs Arnar Benediktssonar sækir um breytingar á áður samþykktum teikningum á lóð nr. 5-7 við Álfaholt.

Byggingarfulltrúi samþykkir erindið.

Erindi dagsett 7. maí 2024 þar sem Gísli Guðmann sækir um úrtak úr kantsteini við hús nr. 12 við Eyrarlandsveg. Fyrir liggur samþykki skipulagsráðs.

Byggingarfulltrúi samþykkir bílastæði með 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við meðeigendur og nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.