Afgreiðslufundur byggingarfulltrúa - 903

Erindi dagsett 23. janúar 2023 þar sem Jónas Vigfússon fyrir hönd Jóns Ómars Hraundals Halldórssonar sækir um byggingaráform og byggingarleyfi fyrir bílgeymslu að Hafnarstræti 2B. Meðfylgjandi eru teikningar eftir Jónas Vigfússon.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 9. febrúar 2023 þar sem Svava Björk Bragadóttir fyrir hönd Eikar fasteignafélags hf. sækir um byggingaráform og byggingarleyfi fyrir breytingum í húsi nr. 1 við Gleráreyrar. fyrirhugað er að breyta rými nr. 39. Meðfylgjandi er teikning eftir Svövu Björk Bragadóttur.

Byggingarfulltrúi samþykkir erindið.

Erindi dagsett 27. janúar 2023 þar sem Ragnar Freyr Guðmundsson fyrir hönd Snorra Björnssonar sækir um byggingaráform og byggingarleyfi fyrir viðbyggingu norðan við hús nr. 13 við Spítalaveg. Innkomnar nýjar teikningar 14. febrúar 2023.

Byggingarfulltrúi samþykkir erindið.

Erindi dagsett 2. september 2022 þar sem Haraldur Sigmar Árnason sækir um byggingarleyfi fyrir fjölbýlishúsi á lóð nr. 2 við Hulduholt. Meðfylgjandi eru teikningar eftir Harald S. Árnason.

Byggingarfulltrúi frestar afgreiðslu.

Erindi dagsett 26. janúar 2023 þar sem Ragnar Freyr Guðmundsson fyrir hönd Hölds ehf. sækir um byggingaráform og byggingarleyfi fyrir breytingum innandyra í húsi nr. 5 við Tryggvabraut. Innkomnar nýjar teikningar 13. febrúar 2023.

Byggingarfulltrúi samþykkir erindið.

Erindi dagsett 1. febrúar 2023 þar sem Ragnar Freyr Guðmundsson fyrir hönd Rebekku Kristínar Garðarsdóttur sækir um byggingaráform og byggingarleyfi fyrir bílskúr ásamt breytingum á innra skipulagi núverandi húss nr. 9 við Helgamagrastræti. Meðfylgjandi eru teikningar eftir Ragnar Frey Guðmundsson.

Byggingarfulltrúi frestar afgreiðslu með vísan til athugasemda í skoðunarskýrslu.