Afgreiðslufundur byggingarfulltrúa - 784

Erindi dagsett 9. mars 2020 þar sem Ágúst Hafsteinsson fyrir hönd BRG 2017 ehf. sækir um byggingarleyfi fyrir fjögurra hæða viðbyggingu vestan við húsið og breytingum með íbúðum á efri hæðum húss nr. 12 við Skipagötu. Meðfylgjandi eru teikningar eftir Ágúst Hafsteinsson. Innkomnar nýjar teikningar 30. september 2020.

Byggingarfulltrúi samþykkir erindið.

Erindi dagsett 11. september 2020 þar sem Fanney Hauksdóttir fyrir hönd Akureyrarbæjar sækir um viðbyggingu, breytingar á gluggum og endurbætur á A-álmu Lundarskóla við Dalsbraut. Meðfylgjandi eru teikningar eftir Fanneyju Hauksdóttur.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 30. september 2020 þar sem Anna Margrét Hauksdóttir fyrir hönd Magnúsar V. Magnússonar sækir um byggingarleyfi fyrir svalalokun í íbúð 201 í húsi nr. 8 við Hamratún. Meðfylgjandi eru teikningar eftir Önnu Margréti Hauksdóttur og samþykki meðeigenda í húsinu.

Byggingarfulltrúi samþykkir erindið.

Erindi dagsett 2. október 2020 þar sem Arnar Freyr Jónsson spyrst fyrir um hvort leyfi fengist til að byggja 16 m² viðbyggingu við kjallara hússins nr. 114 við Mýrarveg. Viðbyggingin er hugsuð sem köld útigeymsla og þakið á viðbyggingunni sem gólf á verönd. Þetta er á austurhlið hússins. Meðfylgjandi er mynd er sýnir fyrirhugaða viðbyggingu.

Byggingarfulltrúi óskar eftir umsögn skipulagsráðs um erindið.