Afgreiðslufundur byggingarfulltrúa - 743

Erindi dagsett 2. október 2019 þar sem Gunnar Örn Sigurðsson fyrir hönd Olíuverslunar Íslands hf., kt. 500269-3249, sækir um breytingar á áður samþykktum teikningum af húsi nr. 2 við Sjafnargötu. Dælueyjur eru lagfærðar, innkeyrsla frá Sjafnargötu rýmkuð, malbikað plan stækkað og kóti á tæknirými lækkaður. Meðfylgjandi eru teikningar eftir Gunnar Örn Sigurðsson.

Byggingarfulltrúi samþykkir erindið.

Erindi dagsett 4. október 2019 þar sem Haukur Haraldsson fyrir hönd Oddfelowhússins Sjafnarstíg 3, kt. 530995-2329, leggur inn fyrirspurn hvort leyfi fengist til að stækka hús nr. 3 við Sjafnarstíg. Meðfylgjandi eru fyrirspurnarteikningar eftir Hauk Haraldsson.

Byggingarfulltrúi óskar umsagnar skipulagsráðs um erindið.

Erindi dagsett 24. september 2019 þar sem Valþór Brynjarsson fyrir hönd Vesturkants ehf., kt. 541008-0630, sækir um byggingarleyfi fyrir breytingum á húsi nr. 33 við Strandgötu. Fyrirhugað er að breyta innra skipulagi á rishæð, breyta útliti kvists að norðan þar sem stigagangur bakinngangs er og útbúa svalir á vesturgafl. Meðfylgjandi eru teikningar eftir Valþór Brynjarsson og jákvæð umsögn Minjastofnunar.

Byggingarfulltrúi óskar umsagnar skipulagsráðs um erindið.