Afgreiðslufundur byggingarfulltrúa - 986

Erindi dagsett 10. janúar 2024 þar sem Valbjörn Ægir Vilhjálmsson fyrir hönd Elmars Dan Sigþórssonar sækir um byggingaráform og byggingarheimild fyrir breytingum á innra skipulagi og útliti húss. Einnig er sótt um að fá að byggja bílgeymslu, bílskýli og lóðarveggi á lóð nr. 16 við Stekkjargerði. Innkomnar teikningar eftir Valbjörn Ægi Vilhjálmsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 23. september 2024 þar sem Gunnhildur Anna Sævarsdóttir sækir um stækkun á bílastæði og úrtak í kantstein við hús nr. 4 við Víðivelli.

Byggingarfulltrúi samþykkir bílastæði með 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 13. september 2024 þar sem Fanney Hauksdóttir sækir um breytingar á áður samþykktum teikningum fyrir fjölbýlishúsi á lóð nr. 1 við Dvergaholt. Meðfylgjandi eru teikningar eftir Fanneyju Hauksdóttur.

Byggingarfulltrúi samþykkir erindið.