Afgreiðslufundur byggingarfulltrúa - 872

Erindi dagsett 25. apríl 2022 þar sem Erlendur H. Haraldsson og Hrafnhildur Ósk Jóhannsdóttir sækja um að gera bílastæði við hús sitt nr. 19 við Grænumýri og að úrtak verði gert í kantstein.

Byggingarfulltrúi samþykkir bílastæði með 4 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 22. júní 2022 þar sem Ragnar Freyr Guðmundsson f.h. LF1 ehf., sækir um leyfi fyrir breytingu á innra skipulagi í miðhluta 1. hæðar á húsi nr. 102 við Hafnarstræti. Meðfylgjandi eru teikningar eftir Ragnar Frey Guðmundsson. Innkomnar nýjar teikningar 11. júlí 2022.

Byggingarfulltrúi samþykkir erindið.

Erindi dagsett 13. maí 2022 þar sem Haraldur S. Árnason fyrir hönd Kjarnagötu 53 ehf. sækir um byggingarleyfi fyrir húsi á lóð nr. 5 við Baldursnes. Meðfylgjandi eru teikningar eftir Harald S. Árnason. Innkomnar nýjar teikningar 14. júlí 2022

Byggingarfulltrúi samþykkir erindið.

Erindi dagsett 1. júlí 2022 þar sem Haraldur S. Árnason f.h. Bjarna Haukssonar, sækir um byggingarleyfi fyrir einbýlishúsi á lóð nr. 12 við Matthíasarhaga. Meðfylgjandi eru uppdrættir eftir Harald S. Árnason.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 1. júlí 2022 þar sem Haraldur S. Árnason f.h. T21 ehf., sækir um byggingarleyfi fyrir einbýlishúsi á lóð nr. 10 við Matthíasarhaga. Meðfylgjandi eru uppdrættir eftir Harald S. Árnason.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 30. júní 2020 þar sem Baldur Ó. Svavarsson fyrir hönd Norðurtorgs ehf. sækir um breytingar á áður samþykktum teikningum af Austursíðu 2. Um er að ræða nýja verslun og lagerrými fyrir Sport Direct. Meðfylgjandi eru teikningar eftir Baldur Ó. Svavarsson.

Byggingarfulltrúi samþykkir erindið.

Erindi dagsett 4. júlí 2022 þar sem Guðmundur Oddur Víðisson fyrir hönd Festi fasteigna ehf., sækir um breytingu á áður samþykktum teikningum á húsi nr. 38 við Glerárgötu. Meðfylgjandi eru teikningar eftir Guðmund Odd Víðisson.

Byggingarfulltrúi samþykkir erindið.

Erindi dagsett 7. júlí 2022 þar sem Jón Þór Sigurðsson sækir um niðurrif á geymsluskúr á lóð nr. 3 við Oddeyrargötu þar sem áætlað er að endurbyggja hann.

Byggingarfulltrúi samþykkir niðurrifið með þeim skilyrðum að öll ummerki byggingarinnar verði fjarlægð. Niðurrifið verður tilkynnt til Þjóðskrár Íslands eftir að úttekt byggingareftirlits hefur farið fram við verklok skv. 16. gr. mannvirkjalaga.