Afgreiðslufundur byggingarfulltrúa - 825

Erindi dagsett 18. maí 2021 þar sem Ingvar Gýgjar Sigurðarson fyrir hönd F húss ehf. sækir um byggingarleyfi fyrir bílgeymslu á lóð nr. 26 við Norðurgötu. Meðfylgjandi eru teikningar eftir Ingvar Gýgjar Sigurðarson. Innkomar nýjar teikningar 3. ágúst 2021.

Byggingarfulltrúi samþykkir erindið.

Erindi dagsett 20. júlí 2021 þar sem Bjarni Þór Einarsson fyrir hönd Hestamannafélagsins Léttis sækir um byggingarleyfi til að reisa reiðgerði í hesthúsahverfi í Breiðholti. Meðfylgjandi eru teikningar eftir Bjarna Þór Einarsson.

Byggingarfulltrúi samþykkir erindið.

Erindi dagsett 27. júlí 2021 þar sem Tryggvi Tryggvason sækir fyrir hönd Katrínar Vilhjálmsdóttur, um byggingarleyfi fyrir breytingum á húsi nr. 10 við Mýrartún. Fyrirhugað er að bæta við stofu vestan megin við hús á núverandi sökkul og gólfplötu. Meðfylgjandi eru teikningar eftir Tryggva Tryggvason.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 28. júlí 2021 þar sem Elvar Baldvinsson sækir um leyfi til að útbúa bílastæði á lóð nr. 5 við Bjarkarstíg. Í kjölfarið þyrfti að taka úrtak úr kantsteini. Meðfylgjandi er teikning af fyrirhuguðum framkvæmdum ásamt samþykki meðeiganda og staðfesting á burðarþoli á stoðvegg.

Byggingarfulltrúi samþykkir bílastæði samkvæmt meðfylgjandi teikningu og úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 28. júlí 2021 þar sem Ægir Örn Leifsson sendir inn tilkynningu um framkvæmd við hús nr. 22 við Munkaþverárstræti. Fyrirhugaðar eru breytingar á burðarveggjum á efri hæð íbúðarhúss. Meðfylgjandi eru burðarvirkisteikningar eftir Vigfús Björnsson.

Byggingarfulltrúi hefur móttekið tilkynningu um framkvæmdina og staðfestir að hún er í samræmi við gildandi aðaluppdrætti og geti því fallið undir grein 2.3.5. í byggingarreglugerð um minniháttar framkvæmd sem er undanþegin byggingarleyfi.

Erindi dagsett 4. ágúst 2021 þar sem Hrafnhildur Þórhallsdóttir sækir um leyfi til að útbúa bílastæði á lóð nr. 5 við Klapparstíg ásamt færslu á ljósastaur. Í kjölfarið þyrfti að taka úrtak úr kantsteini. Meðfylgjandi er ljósmynd af fyrirhuguðum framkvæmdum ásamt samþykki meðeiganda og nágranna.

Byggingarfulltrúi samþykkir bílastæði með að hámarki 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.