Afgreiðslufundur byggingarfulltrúa - 981

Erindi dagsett 1. ágúst 2024 þar sem Hildigunnur Haraldsdóttir f.h. Sverris Ásgeirssonar og Ástu Hrannar Harðardóttur sækir um byggingaráform og byggingarheimild fyrir breytingum innanhúss á húsi nr. 32 við Oddeyrargötu.

Innkomin gögn dags.19. ágúst 2024 eftir Hildigunni Haraldsdóttur.

Byggingarfulltrúi samþykkir erindið.



Áður en byggingarheimild verður gefin út þarf að liggja fyrir samþykki allra eigenda og komin drög að nýrri eignaskiptayfirlýsingu.

Erindi dagsett 11. júlí 2024 þar sem Fanney Hauksdóttir f.h. Brynju leigufélags ses., sækir um byggingaráform og byggingarleyfi fyrir fjölbýlishúsi á lóð nr. 1 við Dvergaholt. Innkomin gögn 19. ágúst 2024 eftir Fanneyju Hauksdóttur.

Byggingarfulltrúi samþykkir erindið.

Erindi dagsett 16. nóvember 2023 þar sem Rögnvaldur Harðarson fyrir hönd Sjafnar ehf., sækir um byggingaráform og byggingarheimild fyrir viðbyggingu við hús nr. 4 við Freyjunes, Akureyri. Uppfærðar teikningar dagsettar 28. júlí 2024 eftir Rögnvald Harðarson.

Byggingarfulltrúi samþykkir erindið.

Erindi dagsett 21. ágúst 2024 þar sem Svava Björk Bragadóttir f.h. Eikar fasteignafélags hf. sækir um byggingaráform og byggingarheimild fyrir breytingum innanhúss á rými 77 í húsi nr. 1 við Gleráreyrar. Fyrirhugað er að innrétta aðstöðu fyrir netverslun. Innkomin gögn eftir Svövu Björk Bragadóttur.

Byggingarfulltrúi samþykkir erindið.

Erindi dagsett 14. nóvember 2019 þar sem Guðjón Þ. Sigfússon fyrir hönd Bjarna Hallgrímssonar, sækir um byggingaráform og byggingarleyfi fyrir tækjageymslu með tengibyggingu við eldra hús á lóð nr. 19 við Óseyri. Meðfylgjandi er uppfærður uppdráttur dagsettur 14. ágúst 2024 eftir Guðjón Þ. Sigfússon.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 21. ágúst 2024 þar sem Annette de Vink sækir um að bæta við tveimur bílastæðum við hús nr. 112 við Þingvallastræti.

Byggingarfulltrúi óskar umsagnar skipulagsráðs um erindið.