Afgreiðslufundur byggingarfulltrúa - 737

Erindi dagsett 16. ágúst 2019 þar sem Ingólfur Guðmundsson fyrir hönd RS fasteigna ehf., kt. 701213-0170, sækir um byggingarleyfi fyrir breytingum á innra skipulagi í húsi nr. 4 við Gránufélagsgötu. Meðfylgjandi er teikning eftir Valþór Brynjarsson.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 21. ágúst 2019 þar sem Fanney Hauksdóttir fyrir hönd Norðurorku hf., kt. 550978-0169, sækir um byggingarleyfi fyrir breytingum í húsi nr. 1-3 við Rangárvelli 2. Fyrirhugað er að færa mötuneytið milli húsanna. Meðfylgjandi er teikning eftir Fanneyju Hauksdóttur og brunahönnun Böðvars Tómassonar.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 20. ágúst 2019 þar sem Haraldur S. Árnason fyrir hönd Trétaks ehf., kt. 551087-1239, leggur inn fyrirspurn varðandi jarðvegsskipti á lóð nr. 1 við Geirþrúðarhaga. Fyrirhugað er að byggja þar fjölbýlishús. Meðfylgjandi er teikningar eftir Harald S. Árnason.

Byggingarfulltrúi heimilar jarðvegsskipti á grundvelli fyrirliggjandi tillöguteikninga. Ekki er tekin afstaða til tillöguteikninganna að öðru leyti.

Erindi dagsett 21. ágúst 2019 þar sem Steinmar H. Rögnvaldsson fyrir hönd Verkmenntaskólans á Akureyri, kt. 531083-0759, sækir um byggingarleyfi fyrir sumarhúsi til flutnings við Hringteig 2. Meðfylgjandi eru teikningar eftir Steinmar H. Rögnvaldsson.

Byggingarfulltrúi frestar afgreiðslu með vísan til athugasemda á fylgiblaði.