Afgreiðslufundur byggingarfulltrúa - 972

Erindi dagsett 14. júní 2024 þar sem Baldvin Jónsson sækir um færslu á áður samþykktu bílastæði við hús nr. 49 við Helgamagrastræti.

Byggingarfulltrúi samþykkir bílastæði með 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 14. júní 2024 þar sem Hafnasamlag Norðurlands sækir um stöðuleyfi fyrir 10 feta salernisgám á hafnarsvæðinu í Grímsey.

Byggingarfulltrúi samþykkir stöðuleyfi til eins árs.

Erindi dagsett 27. maí 2024 þar sem Anna Margrét Hauksdóttir f.h. Áskels Viðars Bjarnasonar sækir um byggingaráform og byggingarleyfi fyrir einbýlishúsi á lóð nr. 2 við Bjarkarlund. Innkomin uppfærð gögn 19. júní 2024 eftir Önnu Margréti Hauksdóttur.

Byggingarfulltrúi samþykkir erindið.

Erindi dagsett 13. júní 2024 þar sem Svava Björk Bragadóttir f.h. Eikar fasteignafélags hf. sækir um byggingaráform og byggingarheimild vegna breytinga á rými 27-28 á Glerártorgi, hús nr. 1 við Gleráreyrar, fyrirhugað er að innrétta verslun Companys. Innkomin gögn eftir Svövu Björk Bragadóttur.

Byggingarfulltrúi samþykkir erindið.