Afgreiðslufundur byggingarfulltrúa - 723

Erindi dagsett 29. mars 2019 þar sem Ágúst Hafsteinsson fyrir hönd Akureyrarbæjar, kt. 410169-6229, sækir um byggingarleyfi fyrir breytingum á KA húsi við Dalsbraut. Breytingarnar snúa að búningsklefum, sturtum og snyrtingum. Meðfylgjandi er gátlisti og teikningar eftir Ágúst Hafsteinsson. Innkomin ný teikning 7. maí 2019.

Byggingarfulltrúi samþykkir erindið.

Erindi dagsett 29. mars 2019 þar sem Ágúst Hafsteinsson fyrir hönd Akureyrarbæjar, kt. 410169-6229, sækir um byggingarleyfi fyrir breytingum á húsi Glerárskóla við Höfðahlíð. Fyrirhugaðar breytingar eru bæði innan- og utanhúss. Meðfylgjandi eru teikningar eftir Ágúst Hafsteinsson. Innkomnar nýjar teikningar og gátlisti 7. maí 2019.

Byggingarfulltrúi samþykkir erindið. Skila skal inn lagfærðri brunahönnun.

Erindi dagsett 6. maí 2019 þar sem Fanney Hauksdóttir fyrir hönd Eiríks Þorgeirssonar og Föðurhúsa ehf., kt. 570418-0680, sækir um breytingar á áður samþykktum teikningum af Hafnarstræti nr. 104. Meðfylgjandi eru teikningar eftir Fanneyju Hauksdóttur.

Byggingafulltrúi samþykkir erindið.

Erindi dagsett 27. mars 2019 þar sem Fanney Hauksdóttir fyrir hönd Hafnasamlags Norðurlands, kt. 650371-2919, sækir um byggingarleyfi fyrir vakthúsi á lóðinni nr. 16 við Strandgötu samkvæmt meðfylgjandi teikningum eftir Fanneyju Hauksdóttur. Innkomnar nýjar teikningar 6. maí 2019 ásamt greinargerð.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 4. maí 2019 þar sem Þorleifur Eggertsson fyrir hönd Bjargs íbúðafélags hses., kt. 490916-0670, sækir um byggingarleyfi fyrir fjölbýlishúsi á lóð nr. 2 við Gudmannshaga. Meðfylgjandi eru teikningar eftir Þorleif Eggertsson. Jafnframt er óskað eftir heimild til jarðvegsskipta.

Byggingarfulltrúi heimilar jarðvegsskipti en frestar afgreiðslu að öðru leyti með vísan til athugasemda á fylgiblaði.

Erindi dagsett 24. apríl 2019 þar sem Viggó Maríasson fyrir hönd Kletts - sölu og þjónustu ehf., kt. 461009-0420, sækir um stöðuleyfi fyrir 3 x 40 feta gáma á lóð nr. 8 við Hjalteyrargötu. Meðfylgjandi eru skýringarmyndir.

Byggingarfulltrúi samþykkir stöðuleyfi fyrir gámana til 1. júní 2020.

Erindi dagsett 9. apríl 2019 þar sem Tryggvi Tryggvason hjá Opus fyrir hönd HeiðGuðByggis ehf., kt. 610711-0570, sækir um byggingarleyfi á lóð nr. 2 við Geirþrúðarhaga. Meðfylgjandi eru teikningar eftir Tryggva Tryggvason. Innkomnar nýjar teikningar 10. maí 2019.

Byggingarfulltrúi samþykkir erindið.

Erindi móttekið 17. apríl 2019 þar sem Valþór Brynjarsson fyrir hönd Akureyrarbæjar, kt. 410169-6229, sækir um breytingar á íþróttahúsi Glerárskóla við Höfðahlíð. Skipta á um þakeiningar, endurnýja gólf og endurnýja loftræsikerfi. Meðfylgjandi eru teikningar eftir Valþór Brynjarsson. Innkomnar nýjar teikningar 8. maí 2019.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 8. febrúar 2019 þar sem Haraldur S. Árnason fyrir hönd SS Byggis ehf., kt. 620687-2519, sækir um byggingarleyfi fyrir fjölbýlishúsi á lóð nr. 51 við Kjarnagötu. Meðfylgjandi er gátlisti aðaluppdrátta og aðalteikningar eftir Harald S. Árnason. Innkomin ný teikning 17. maí 2019.

Byggingarfulltrúi samþykkir erindið.