Afgreiðslufundur byggingarfulltrúa - 923

Erindi dagsett 29. júní 2023 þar sem Þorgeir Jónsson fyrir hönd Höfða fasteignafélags ehf. sækir um færslu um 2 metra til vesturs á húsi nr. 34 við Hafnarstræti. Meðfylgjandi eru teikningar eftir Þorgeir Jónsson.

Byggingarfulltrúi samþykkir erindið.

Erindi dagsett 4. júlí 2023 þar sem Kári Magnússon sækir um breytingar á áður samþykktum teikningum fyrir einbýlishúsi á lóð nr. 9 við Lyngholt. Meðfylgjandi eru teikningar eftir Kára Magnússon.

Byggingarfulltrúi samþykkir erindið.

Erindi dagsett 26. júní 2023 þar sem Hugrún Þorsteinsdóttir fyrir hönd Keli Sea Tours sækir um byggingaráform og byggingarleyfi á lóð nr. 1 við Oddeyrarbót. Meðfylgjandi eru teikningar eftir Hugrúnu Þorsteinsdóttur.

Byggingarfulltrúi samþykkir erindið.

Erindi dagsett 28. júní 2023 þar sem Sigurður Lúðvík Stefánsson fyrir hönd Akureyrarbæjar sækir um byggingaráform og byggingarheimild fyrir fjarskiptaloftneti að Miðhúsabraut 1. Meðfylgjandi eru teikningar eftir Sigurð Lúðvík Stefánsson.

Byggingarfulltrúi samþykkir erindið.

Erindi dagsett 12.júní 2023 þar sem Sigmundur Guðmundsson sækir um úrtak á kantsteini við Kringluymýri 1. Meðfylgjandi er afstöðumynd og samþyki eigenda.

Byggingarfulltrúi samþykkir bílastæði með 4 metra úrtaki fyrir íbúð 001 og 7 metra úrtaki fyrir íbúð 101 í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

Erindi dagsett 20 júní 2023 þar sem Erlingur Kristjánsson sækir um bílastæði / úrtak úr kantsteini við hús nr. 3 við Holtagötu. Meðfylgjandi er afstöðumynd.

Byggingarfulltrúi samþykkir úrtak fyrir bílastæði samkvæmt meðfylgjandi teikningum með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.