Afgreiðslufundur byggingarfulltrúa - 801

Erindi dagsett 1. desember 2020 þar sem Sigbjörn Kjartansson fyrir hönd Sigurgeirs Benjamínssonar sækir um byggingarleyfi til að byggja ofan á hús nr. 11 við Eiðsvallagötu ásamt bílgeymslu og bílskýli á lóð. Meðfylgjandi eru teikningar eftir Sigbjörn Kjartansson.

Fyrir liggur samþykki eigenda Ægisgötu 2 og Hríseyjargötu 13.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 22. janúar 2021 þar sem Björn Guðbrandsson fyrir hönd Isavia Innanlandsflugvalla ehf. sækir um byggingarleyfi fyrir viðbyggingu við flugstöð Akureyrar við Eyjafjarðarbraut. Meðfylgjandi eru teikningar eftir Björn Guðbrandsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 28. janúar 2021 þar sem Tryggvi Tryggvason fyrir hönd B.E. Húsbygginga ehf. sækir um byggingarleyfi fyrir fjölbýlishúsi á lóð nr. 57 við Kjarnagötu. Meðfylgjandi eru teikningar eftir Tryggva Tryggvason. Jafnframt er sótt um byggingarleyfi fyrir jarðvegsskiptum fyrir húsið.

Byggingarfulltrúi samþykkir byggingarleyfi fyrir jarðvegsskiptum þar sem fyrirhugað mannvirki er í samræmi við deiliskipulag, en frestar erindinu að öðru leyti með vísan til athugasemda í skoðunarskýrslu.

Erindi dagsett 29. janúar 2021 þar sem Steinmar Heiðar Rögnvaldsson fyrir hönd Förla ehf. sækir um byggingarleyfi fyrir breytingum á húsi nr. 4 við Skipagötu. Fyrirhugað er að breyta innra skipulagi á 2.- 4. hæð. Meðfylgjandi eru teikningar eftir Steinmar Heiðar Rögnvaldsson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 1. febrúar 2021 þar sem Jóhannes Þórðarson leggur inn fyrirspurn varðandi breytingar á húsi nr. 95 við Hafnarstræti. Fyrirhugað er að setja upp hringstiga milli 5. og 6. hæðar. Meðfylgjandi er hugmynd af breytingunni. Fyrir liggur umsögn slökkviliðs.

Byggingarfulltrúi tekur jákvætt í erindið en mælist til að sett verði EI60 lokun um hringstigann á 5. hæð.

Erindi dagsett 5. febrúar 2021 þar sem Sigurpáll Helgi Torfason fyrir hönd Coca-Cola European Partners Ísland ehf. tilkynnir um framkvæmd í húsi nr. 18 við Furuvelli. Meðfylgjandi er sérteikning eftir Adam Traustason.

Byggingarfulltrúi hefur móttekið tilkynningu um framkvæmdina og staðfestir að hún er í samræmi við gildandi aðaluppdrætti og geti því fallið undir grein 2.3.5. í byggingarreglugerð um minniháttar framkvæmd sem er undanþegin byggingarleyfi.

Erindi dagsett 8. febrúar 2021 þar sem Gunnlaugur Björn Jónsson fyrir hönd H108 ehf. leggur inn fyrirspurn varðandi breytta notkun 2., 3. og 4. hæðar húss nr. 108 við Hafnarstræti. Fyrirhuguð er breyting úr gistiheimili í þrjár íbúðir.

Byggingarfulltrúi vísar erindinu til umsagnar skipulagsráðs.