Afgreiðslufundur byggingarfulltrúa - 752

Erindi dagsett 11. desember 2019 þar sem Steinunn M. Guðmundsdóttir fyrir hönd Akureyrarbæjar, sækir um byggingarleyfi fyrir breytingum á 1. hæð húss nr. 9 við Geislagötu. Meðfylgjandi er brunahönnunarskýrsla, greinargerð vegna förgunar og teikningar eftir Steinunni M. Guðmundsdóttur.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 13. desember 2019 þar sem Ágúst Hafsteinsson fyrir hönd Akureyrarbæjar, sækir um leyfi til að hefja framkvæmdir við niðurrif innveggja að hluta samkvæmt meðfylgjandi teikningu af húsinu nr. 11 við Spítalaveg, mhl. 03, vegna fyrirhugaðra breytinga á húsinu.

Byggingarfulltrúi heimilar umbeðið niðurrif en ekki uppbyggingu nýrra veggja.

Erindi dagsett 4. október 2019 þar sem Haukur Haraldsson fyrir hönd Oddfellowhússins Sjafnarstíg 3, leggur inn fyrirspurn um hvort leyfi fengist til að stækka hús nr. 3 við Sjafnarstíg. Meðfylgjandi eru fyrirspurnarteikningar eftir Hauk Haraldsson.

Fyrir liggur jákvæð umsögn skipulagsráðs.

Byggingarfulltrúi tekur jákvætt í fyrirspurnina.

Erindi dagsett 16. október 2019 þar sem Steinþór Kári Kárason fyrir hönd Akureyrarbæjar, sækir um byggingarleyfi fyrir breytingum á innra skipulagi og nýrri aðkomu að rými undir Gilsbakkavegi í húsi nr. 8-10-12 við Kaupvangsstræti. Meðfylgjandi eru teikningar eftir Steinþór Kára Kárason.

Fyrir liggur jákvæð umsögn skipulagsráðs.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 17. desember 2019 þar sem Svava Bragadóttir fyrir hönd EF1 hf., leggur fram fyrirspurn um möguleika á lítilli viðbyggingu norðan á húsið nr. 1 við Gleráreyrar.

Fyrir liggur jákvæð umsögn skipulagsráðs.

Byggingarfulltrúi tekur jákvætt í fyrirspurnina.

Erindi dagsett 3. desember 2019 þar sem Kári Magnússon fyrir hönd Strandgötu 3, húsfélags, leggur inn fyrirspurn vegna fyrirhugaðrar álklæðningar á hvíta fleti hússins nr. 3 við Strandgötu. Meðfylgjandi er sérteikning eftir Kára Magnússon.

Fyrir liggur jákvæð umsögn skipulagsráðs.

Byggingarfulltrúi tekur jákvætt í fyrirspurnina.