Afgreiðslufundur byggingarfulltrúa - 856

Erindi dagsett 8. mars 2022 þar sem X 457 ehf. sækir um byggingarleyfi fyrir breytingum í húsi nr. 3 við Aðalstræti. Fyrirhugað er að breyta innra skipulagi 1. hæðar. Innkomnar teikningar eftir Guðjón Þóri Sigfússon.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 11. mars 2022 þar sem Birgir Ágústsson fyrir hönd Sigurðar J. Ringsted, Kristínar Mjallar Benediktsdóttur og Benedikts Jóhannssonar sækir um breytingar á áður samþykktum teikningum í húsi nr. 10 við Vörðutún. Meðfylgjandi eru teikningar eftir Birgi Ágústsson.

Byggingarfulltrúi samþykkir erindið.

Erindi dagsett 17. janúar 2022 þar sem Ragnar Auðunn Birgisson fyrir hönd Bygma Ísland sækir um breytingar á áður samþykktum teikningum af húsi nr. 1 við Freyjunes. Innkomin ný gögn 14. mars 2022.

Byggingarfulltrúi samþykkir erindið.

Erindi dagsett 16. mars 2022 þar sem Svava Björk Bragadóttir fyrir hönd Eikar fasteignafélags hf. sækir um breytingar á áður samþykktum teikningum á rýmum 9 og 10 í húsi nr. 1 við Gleráreyrar. Fyrirhugað er að innrétta rýmin fyrir verslanir Nespresso og Nova. Meðfylgjandi eru teikningar eftir Svövu Björk Bragadóttur.

Byggingarfulltrúi samþykkir erindið.

Erindi dagsett 16. mars 2022 þar sem Svava Björk Bragadóttir fyrir hönd Eikar fasteignafélags hf. sækir um breytingar á áður samþykktum teikningum í húsi nr. 1 við Gleráreyrar. Fyrirhugaðar smávægilegar breytingar á hjólageymslu fyrir starfsfólk. Meðfylgjandi eru teikningar eftir Svövu Björk Bragadóttur.

Byggingarfulltrúi samþykkir erindið.