Afgreiðslufundur byggingarfulltrúa - 654

Erindi dagsett 7. nóvember 2017 þar sem Guðni Hermannsson og Jóhanna Magnúsdóttir sækja um byggingarleyfi fyrir breytingum á innra skipulagi húss nr. 21-23 við Jaðarstún. Einnig aðgengi að lóð. Meðfylgjandi eru teikningar eftir Tryggva Tryggvason.

Staðgengill byggingarfulltrúa samþykkir erindið.

Erindi dagsett 19. október 2017 þar sem Arnar Birgir Ólafsson fyrir hönd umhverfis- og mannvirkjasviðs Akureyrarbæjar sækir um byggingarleyfi fyrir göngu- og hjólabrú við Drottningarbraut. Brúin verður hluti af fjörustígnum sem fyrir er. Meðfylgjandi eru teikningar eftir Árna Gunnar Kristjánsson. Innkomnar nýjar teikninar 10. nóvember 2017.

Staðgengill byggingarfulltrúa frestar afgreiðslu með vísan til athugasemda á fylgiblaði.

Erindi dagsett 6. nóvember 2017 þar sem Lárus Hafsteinn Sigurðsson sækir um leyfi til að setja upp gervihnattadisk á einkasvölum íbúðar nr. 204 í húsi nr. 33 við Kjarnagötu.

Í almennum byggingarskilmálum 8.1 segir: "Loftnet fyrir hljóð- og sjónvarp, þ.m.t. móttökudiskar, skulu vera sameiginlegir fyrir hvert raðhús, raðhúsaþyrpingu eða fjölbýlishús eftir því sem við á."

Staðgengill byggingarfulltrúa getur því ekki orðið við erindinu með vísun í ofangreint.

Erindi dagsett 9. október 2017 þar sem Björn Sveinsson fyrir hönd VAPPS ehf. sækir um byggingarleyfi fyrir einbýlishúsi á lóð nr. 6 við Margrétarhaga. Meðfylgjandi eru teikningar eftir Einar Bjarndal Jónsson. Innkomnar nýjar teikningar 9. nóvember 2017.

Staðgengill byggingarfulltrúa samþykkir erindið.

Erindi dagsett 9. október 2017 þar sem Björn Sveinsson fyrir hönd VAPPS ehf. sækir um byggingarleyfi fyrir einbýlishúsi á lóð nr. 4 við Margrétarhaga. Meðfylgjandi eru teikningar eftir Einar Bjarndal Jónsson. Innkomnar nýjar teikningar 9. nóvember 2017.

Staðgengill byggingarfulltrúa samþykkir erindið.

Erindi dagsett 15. nóvember 2017 þar sem Steinmar H. Rögnvaldsson fyrir hönd Garbó ehf. sækir um leyfi fyrir breytingum á áður samþykktum teikningum af Mýrarvegi/Kaupangi, eign 0115. Meðfylgjandi eru teikningar eftir Steinmar H. Rögnvaldsson. Innkomnar nýjar teikningar 16. nóvember 2017 og samþykki meðeigenda sameignar í Y2.

Staðgengill byggingarfulltrúa samþykkir erindið. Við lokaúttekt skal liggja fyrir endurskoðuð eignaskiptayfirlýsing fyrir húsið.

Erindi dagsett 20. október 2017 þar sem Ingólfur Guðmundsson fyrir hönd Jóhanns Jónssonar og Dagbjartar Pálsdóttur sækir um byggingarleyfi fyrir breytingum á húsi nr. 15 við Lönguhlíð. Um er að ræða nýja hurð út til vesturs. Meðfylgjandi er teikning eftir Loga Má Einarsson. Innkomin ný teikning 10. nóvember 2017.

Staðgengill byggingarfulltrúa samþykkir erindið.

Erindi dagsett 2. nóvember 2017 þar sem Tryggvi Tryggvason fyrir hönd Sveins Heiðars Sveinssonar, Ásmundar Agnarssonar og Snorra Sturlusonar sækir um breytingu frá áður samþykktum teikningum á húsi nr. 19-23 við Höfðahlíð. Meðfylgjandi eru teikningar eftir Tryggva Tryggvason. Innkomnar nýjar teikningar 14. nóvember 2017.

Staðgengill byggingarfulltrúa samþykkir erindið.

Erindi dagsett 18. október 2017 þar sem Bjarni Sigurðsson fyrir hönd VN fasteigna ehf. sækir um leyfi fyrir breytingum á 4. hæð í húsi nr. 4 við Hofsbót. Breyta á húsnæðinu í íbúðir. Meðfylgjandi eru teikningar eftir Árna Gunnar Kristjánsson. Innkomnar nýjar teikningar 6. nóvember 2017 og samþykki meðeigenda í húsinu.

Staðgengill byggingarfulltrúa frestar afgreiðslu með vísan til athugasemda á fylgiblaði.