Afgreiðslufundur byggingarfulltrúa - 658

Erindi dagsett 7. desember 2017 þar sem Tryggvi Tryggvason fyrir hönd B.E. Húsbygginga ehf. sækir um framlengdan frest til framkvæmda á lóð nr. 2 við Elísabetarhaga til 1. maí 2018.

Byggingarfulltrúi samþykkir að veita framkvæmdafrest til 1. maí 2018.

Erindi dagsett 11. desember 2017 þar sem Haraldur Árnason fyrir hönd Fjölnis ehf. sækir um framlengdan frest til framkvæmda á lóð nr. 4 við Geirþrúðarhaga til 6. júní 2018.

Byggingarfulltrúi samþykkir að veita framkvæmdafrest til 1. mars 2018.

Erindi dagsett 30. nóvember 2017 þar sem Valþór Brynjarsson fyrir hönd Vesturkants ehf. sækir um byggingarleyfi fyrir breytingum í húsi nr. 29 við Strandgötu. Koma á upp skíðageymslu með sérútbúnum skápum sem og handlistum við aðaldyr að sunnan. Meðfylgjandi eru teikningar eftir Valþór Brynjarsson.

Byggingarfulltrúi samþykkir erindið.

Erindi dagsett 22. nóvember 2017 þar sem Rögnvaldur Harðarson fyrir hönd Klettabjarga ehf. sækir um að leyfi til að skipta húsinu nr. 5 við Höfðahlíð í tvær eignir, tvíbýlishús, eins og var þegar húsið var byggt. Meðfylgjandi eru teikningar eftir Rögnvald Harðarson. Innkomnar nýjar teikningar 11. desember 2017.

Byggingarfulltrúi samþykkir erindið.

Erindi dagsett 9. október 2017 þar sem Knútur Bruun fyrir hönd Gesthofs ehf. sækir um að breyta skráningu á bílgeymslu í gestaíbúð til einkanota. Meðfylgjandi eru teikningar eftir Halldór Guðmundsson. Innkomnar nýjar teikningar 7. desember 2017.

Byggingarfulltrúi samþykkir erindið.