Afgreiðslufundur byggingarfulltrúa - 639

Erindi dagsett 3. júlí 2017 þar sem Rögnvaldur Harðarson fyrir hönd Hrafns Jónassonar sækir um byggingarleyfi fyrir raðhúsi á lóð nr. 5 við Halldóruhaga. Meðfylgjandi eru teikningar eftir Rögnvald Harðarson.

Staðgengill byggingarfulltrúa frestar afgreiðslu með vísan til athugasemda á fylgiblaði.

Erindi dagsett 7. júlí 2017 þar Anna Guðrún Bjarkadóttir sækir um leyfi til að loka svölum með gleri í íbúð sinni nr. 5c í Hjallalundi.

Staðgengill byggingarfulltrúa frestar erindinu og óskar eftir frekari upplýsingum og gögnum um málið. Jafnframt er bent á grein 9.6.17. í byggingarreglugerð sem fjallar um kröfur til svalaskýla.

Erindi dagsett 6. júlí 2017 þar sem Ingólfur Guðmundsson fyrir hönd ATS eigna ehf. og Lykileigna ehf. sækir um leyfi til að aðskilja rými 0201 í tvö rými, þ.e. 0201 og 0203. Meðfylgjandi er teikning eftir Loga Má Einarsson.

Staðgengill byggingarfulltrúa frestar afgreiðslu með vísan til athugasemda á fylgiblaði.

Erindi dagsett 17. janúar 2017 þar sem Þröstur Sigurðsson fyrir hönd Brauðgerðar Kr. Fasteigna ehf. sækir um byggingarleyfi á húsi nr. 3 við Hrísalund. Sótt er um að stækka móttöku á suðurhlið í vestur og bæta við rými á austurhlið fyrir grindarþvott.

Staðgengill byggingarfulltrúa frestar afgreiðslu með vísan til athugasemda á fylgiblaði.

Erindi dagsett 12. júlí 2017 þar sem Alma Sif Stígsdóttir sækir um stöðuleyfi fyrir 60 fermetra sumarhús á lóð nr. 1 við Óseyri. Óskað er eftir leyfi í 1 ár, frá 25. júlí 2017. Meðfylgjandi er samþykki eiganda Óseyrar 1.

Staðgengill byggingarfulltrúa samþykkir stöðuleyfi til eins árs.

Erindi dagsett 31. maí 2017 þar sem Haraldur Árnason fyrir hönd Stekkjartúns 32 ehf. sækir um byggingarleyfi á fjölbýlishúsi á lóð nr. 32-34 við Stekkjartún. Meðfylgjandi eru teikningar eftir Harald Árnason. Innkomnar nýjar teikningar 5. júlí 2017.

Staðgengill byggingarfulltrúa samþykkir erindið.

Erindi dagsett 28. febrúar 2017 þar sem Sigurður Einarsson fyrir hönd N1 hf. sækir um byggingarleyfi fyrir viðbyggingu við núverandi þjónustustöð og breytingu á innra skipulagi. Meðfylgjandi eru teikningar eftir Sigurð Einarsson. Innkomnar nýjar teikningar 7. júlí 2017.

Staðgengill byggingarfulltrúa samþykkir erindið.

Erindi dagsett 15. maí 2017 þar sem Valþór Brynjarsson fyrir hönd Vesturkants ehf. sækir um leyfi fyrir breytingum á áður samþykktum teikningum til að setja upp geymslur á 1. hæð húss nr. 31 við Strandgötu. Meðfylgjandi er teikning eftir Valþór Brynjarsson. Innkomnar nýjar teikningar 5. júlí 2017.

Staðgengill byggingarfulltrúa samþykkir erindið.