Afgreiðslufundur byggingarfulltrúa - 705

Erindi dagsett 12. desember 2018 þar sem Haraldur S. Árnason fyrir hönd Kósku ehf., kt. 480317-0250, sækir um byggingarleyfi fyrir breytingum innanhúss í húsi nr. 1 við Ráðhústorg. Fyrirhugað er að opna skyndibitastað þar sem áður var skrifstofa. Meðfylgjandi eru teikningar eftir Harald S. Árnason. Innkomin ný teikning 7. janúar 2019.

Meðfylgjandi er samþykki eiganda og meðeigenda.

Byggingafulltrúi samþykkir erindið.

Erindi dagsett 28. desember 2018 þar sem Haraldur S. Árnason fyrir hönd Hafsteins Sveinssonar og Bjarkar Sigríðar Garðarsdóttur leggur inn fyrirspurn vegna breytinga á 1. hæð húss nr. 2 við Fossagil. Meðfylgjandi er teikning eftir Harald S. Árnason.

Byggingafulltrúi tekur jákvætt í fyrirspurnina.

Erindi dagsett 20. desember 2018 þar sem Fanney Hauksdóttir fyrir hönd Vegagerðarinnar, kt. 680269-2899, sækir um byggingarleyfi fyrir viðbyggingu við hús nr. 1 við Miðhúsaveg. Meðfylgjandi er gátlisti og teikningar eftir Fanneyju Hauksdóttur.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 20. desember 2018 þar sem Árni Gunnar Kristjánsson fyrir hönd G. Hjálmarssonar hf., kt. 630196-3619, sækir um byggingarleyfi fyrir öðrum áfanga við hús nr. 2 við Goðanes. Meðfylgjandi er gátlisti og teikningar eftir Árna Gunnar Kristjánsson.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 9. janúar 2019 þar sem Fanney Hauksdóttir fyrir hönd Reita ehf., kt. 530117-0730, sækir um byggingarleyfi fyrir breytingum á 3ju hæð húss nr. 14 við Hvannavelli. Fyrirhugað er að opna milli brunahólfa og fjarlægja hringstiga ásamt breytingum á innra skipulagi. Meðfylgjandi eru teikningar eftir Fanneyju Hauksdóttur.

Byggingarfulltrúi samþykkir erindið. Skila skal uppfærðri brunahönnun.