Afgreiðslufundur byggingarfulltrúa - 787

Erindi dagsett 9. október 2020 þar sem Fanney Hauksdóttir fyrir hönd Norðurorku hf. sækir um leyfi fyrir breytingum á áður samþykktum teikningum af húsi 3 við Rangárvelli 2. Meðfylgjandi eru teikningar eftir Fanneyju Hauksdóttur.

Byggingarfulltrúi samþykkir erindið.

Erindi dagsett 11. september 2020 þar sem Fanney Hauksdóttir fyrir hönd umhverfis- og mannvirkjasviðs Akureyrarbæjar sækir um viðbyggingu, breytingar á gluggum og endurbætur á A-álmu Lundarskóla við Dalsbraut. Meðfylgjandi eru teikningar eftir Fanneyju Hauksdóttur. Innkomnar nýjar teikningar 20. október 2020.

Byggingarfulltrúi samþykkir erindið.

Erindi dagsett 18. september 2020 þar sem Ragnar Auðunn Birgisson fyrir hönd Bygma Ísland sækir um byggingarleyfi fyrir húsi á lóð nr. 1 við Freyjunes. Fyrirhugað er að byggja blóma- og byggingavöruverslun ásamt timbursölu fyrir Blómaval - Húsasmiðjuna. Meðfylgjandi eru teikningar eftir Ragnar Auðunn Birgisson.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 20. október 2020 þar sem Eik rekstrarfélag ehf. sækir um leyfi fyrir stækkun LED skilta sem standa á lóð nr. 1 við Gleráreyrar. Fyrirhugað er að stækka skjáina í tæplega 5 metra á breidd og 2 metra á hæð.

Byggingarfulltrúi óskar umsagnar skipulagsráðs um erindið.

Erindi dagsett 28. febrúar 2020 þar sem Þröstur Sigurðsson fyrir hönd Friðriks Karlssonar sækir um byggingarleyfi fyrir breytingum innanhúss í Stórholti 1. Meðfylgjandi er teikning eftir Þröst Sigurðsson. Innkomnar nýjar teikningar 12. október 2020.

Byggingarfulltrúi frestar afgreiðslu með vísan til athugasemda í skoðunarskýrslu.

Erindi dagsett 12. október 2020 þar sem Bjarni Þór Einarsson sækir um fyrir hönd Orku náttúrunnar, leyfi fyrir yfirbyggðu skýli yfir hleðslustöð Orku náttúrunnar sem stendur á lóð nr. 12 við Strandgötu.

Byggingarfulltrúi óskar umsagnar skipulagsráðs um erindið.