Afgreiðslufundur byggingarfulltrúa - 664

Erindi dagsett 5. janúar 2018 þar sem Gunnlaugur Jónasson fyrir hönd Hótels Akureyrar ehf. sækir um byggingarleyfi fyrir breytingum á húsi nr. 75 við Hafnarstræti. Sótt er um að minnka húsið í suðvesturhorni vegna nýs neyðarstiga frá aðliggjandi húsi.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 5. janúar 2018 þar sem Gunnlaugur Jónasson fyrir hönd Hótels Akureyrar ehf. sækir um að leyfi til að setja glugga á vesturhlið, neyðarútganga á norðurhlið og gera breytingar og útbúa 16 eininga gistiheimili í húsi nr. 73 við Hafnarstræti.

Byggingarfulltrúi frestar afgreiðslu með vísan til athugasemda á fylgiblaði.

Erindi dagsett 24. janúar 2018 þar sem Guðmundur Jón Halldórsson fyrir hönd eigenda Þórunnarstrætis 128 sækir um að fá sérmerkt 4-6 stæði við Þórunnarstræti, norðan lóðarinnar Þórunnarstrætis 128, fyrir þær þrjár íbúðir sem eru í húsinu.

Byggingarfulltrúi getur ekki orðið við erindinu þar sem Akureyrarbær sérmerkir ekki bílastæði utan lóða.

Byggingarfulltrúi getur í stað þess samþykkt að lóðarhafar útbúi 3 bílastæði í suðaustur horni lóðarinnar við Þórunnarstræti 128, með aðkomu frá Bjarkarstíg skv. meðfylgjandi mynd. Vísað er til vinnureglna um leyfi fyrir bílastæðum og úrtökum í kantstein, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf.

Erindi dagsett 26. janúar 2018 þar sem Petar Hristov Slavkov leggur inn fyrirspurn hvort leyfi fáist til að útbúa íbúðarhúsnæði í skúr á lóð nr. 17 við Lundargötu.

Í gildandi deiliskipulagi er gert réð fyrir parhúsi og bílgeymslu á lóðinni og að núverandi byggingar verði fjarlægðar. Núverandi skúr er ekki innan byggingarreits í deiliskipulagi. Skúrinn uppfyllir engar kröfur til íbúðarhúsnæðis í gildandi byggingarreglugerð og þyrfti því algerrar endurnýjunar við. Byggingarfulltrúi telur að uppbygging á lóðinni eigi að vera í samræmi við gildandi deiliskipulag og hafnar því endurnýjun núverandi skúrs til íbúðar.

Erindi dagsett 24. janúar 2018 þar sem Sólveig L. Tryggvadóttir fyrir hönd Símans hf. sækir um byggingarleyfi til að breyta rými 0102 í húsi nr. 3 við Strandgötu í verslun og skrifstofurými. Meðfylgjandir eru teikningar eftir Jón Þór Þorvaldsson. Innkomin ný teikning 30. janúar 2018.

Byggingarfulltrúi samþykkir erindið.