Bæjarráð - 3846

Lögð fram niðurstaða tilboðs í byggingarrétt lóðarinnar Bjarkarlundur 2.

Þrjú tilboð bárust og var Áskell Viðar Bjarnason með hæsta tilboðið. Til samræmis við ákvæði úthlutunarskilmála er lögð fram yfirlýsing Íslandsbanka sem ber með sér að umsækjandi geti staðið undir kostnaði vegna byggingarframkvæmda og kaupa á byggingarrétti.

Bæjarráð samþykkir fyrirliggjandi kauptilboð í byggingarrétt lóðarinnar Bjarkarlundur 2.

Fylgiskjöl

• Bjarkarlundur 2_úthlutunarskilmálar_febrúar 2024.pdf

Lögð fram til umræðu fundargerð bæjarstjórnarfundar unga fólksins dagsett 16. apríl 2024.

Bæjarráð lýsir yfir ánægju með bæjarstjórnarfund unga fólksins sem haldinn var 16. apríl sl. og þakkar ungmennaráði fyrir góðar og gagnlegar umræður.

Bæjarráð samþykkir að vísa liðum 1, 6 og 7, varðandi hlutverk nemendaráða, sálfræðiþjónustu og fræðslumál í grunnskólum, til fræðslu- og lýðheilsuráðs. Jafnframt vísar bæjarráð liðum 3, 10 og 13, varðandi ruslamál, viðhald á ljósastaurum og gangbrautum og LED-væðingu, til umhverfis- og mannvirkjaráðs. Þá tekur bæjarráð undir mikilvægi þess að kynna betur tómstundaframboð og frístundastyrk í samræmi við lið 11 í fundargerðinni og felur sviðsstjóra þjónustu- og skipulagssviðs og sviðsstjóra fræðslu- og lýðheilsusviðs að vinna málið áfram.

Fylgiskjöl

• Bæjarstjórnarfundur unga fólksins fundargerð 2024.pdf

Erindi dagsett 15. apríl 2024 frá Sveinbjörgu Sveinsdóttur framkvæmdastjóra f.h. stjórnar Landskerfis bókasafna hf. þar sem boðað er til aðalfundar félagsins þriðjudaginn 7. maí nk. kl. 11:00 í húsakynnum félagsins að Katrínartúni 4 í Reykjavík.

Bæjarráð felur Árna Konráði Bjarnasyni rekstrarstjóra fræðslu- og lýðheilsusviðs Akureyrarbæjar að fara með umboð Akureyrarbæjar á fundinum.

Fylgiskjöl

• Landskerfi bókasafna - aðalfundarboð 2024.pdf

Lagt fram til kynningar erindi dagsett 19. apríl 2024 frá umhverfis- og samgöngunefnd Alþingis þar sem óskað er umsagnar um tillögu til þingsályktunar um stefnu stjórnvalda um uppbyggingu vindorku á Íslandi, 899. mál 2024.

Þess er óskað að undirrituð umsögn berist eigi síðar en 3. maí nk. í gegnum umsagnagátt Alþingis: umsagnir.althingi.is.

Þingskjalið er hægt að sækja á vef Alþingis: https://www.althingi.is/altext/154/s/1338.html

Lagt fram til kynningar erindi dagsett 19. apríl 2024 frá umhverfis- og samgöngunefnd Alþingis þar sem óskað er umsagnar um frumvarp til laga um verndar- og orkunýtingaráætlun nr. 48/2011 (virkjunarkostir í vindorku), 900. mál 2024.

Þess er óskað að undirrituð umsögn berist eigi síðar en 3. maí nk. í gegnum umsagnagátt Alþingis: umsagnir.althingi.is.

Þingskjalið er hægt að sækja á vef Alþingis: https://www.althingi.is/altext/154/s/1339.html