Bæjarráð - 3772

Lagt fram til kynningar fjögurra mánaða rekstraryfirlit Akureyrarbæjar.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanagerðar sátu fund bæjarráðs undir þessum lið.

Lögð var fram ný tímaáætlun vegna vinnu við gerð fjárhagsáætlunar.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hag- og áætlanagerðar sátu fund bæjarráðs undir þessum lið.

Afgreiðslu frestað til næsta fundar.

Ráðningarsamningur við Ásthildi Sturludóttur bæjarstjóra lagður fram til staðfestingar í samræmi við 2. mgr. 49. gr. Samþykktar um stjórn og fundarsköp Akureyrarbæjar.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð staðfestir samninginn fyrir sitt leyti og vísar honum til staðfestingar í

bæjarstjórn.

Kynntur nýgerður kjarasamningur Sambands íslenskra sveitarfélaga og Félags leikskólakennara.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Fylgiskjöl

• FL_kjarasamningur_2022-2023_LOK.pdf
• Kynning_Nýr kjarasamningur við FL_APR 2022 SNS LOK.pdf

Tilnefning þróunarleiðtoga bæjarráðs skv. mannréttindastefnu sveitarfélagsins.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð tilnefnir Hildu Jönu Gísladóttur þróunarleiðtoga bæjarráðs.



Hilda Jana Gísladóttir S-lista, Jana Salóme Ingibjargar Jósepsdóttir V-lista og Sunna Hlín Jóhannesdóttir B-lista óska bókað:



Hlutverk þróunarleiðtoga er viðamikið og felur í sér mikla ábyrgð við að fylgja sérstaklega eftir lögbundnum verkefnum sveitarfélaga samkvæmt jafnréttislögum og verkefnum mannréttindastefnu sveitarfélagsins. Þróunarleiðtogar eiga að vera málsvarar kynjasamþættingar og mannréttinda og tileinka sér innsýn og þekkingu á mannréttindum. Þeirra verkefni er m.a. að vinna að samþættingu mannréttindasjónarmiða í fjárhagsáætlun og stefnumótun, fylgja eftir funda- og fræðsluáætlun hvers árs og styðja starfsfólk í mannréttindastarfi. Þá ættu þróunarleiðtogar í samstarfi við formann bæjarráðs að leiða endurskoðun mannréttindastefnunnar. Vegna umfangs teljum við eðlilegt að greitt sé fyrir vinnu þróunarleiðtoga og er tillaga okkar að um sé að ræða 1% á mánuði og yrði bætt við reglur um launakjör og starfsaðstöðu bæjarfulltrúa og nefndarmanna hjá Akureyrarbæ.

Skipun fulltrúa í stjórn Iðnaðarsafnsins á Akureyri.

Bæjarráð samþykkir með fimm samhljóða atkvæðum að skipa Almar Alfreðsson verkefnastjóra menningarmála og Einar Gunnlaugsson sem fulltrúa Akureyrarbæjar í stjórn Iðnaðarsafnsins.

Lagt fram til kynningar erindi móttekið 27. maí 2022 frá Margréti Hugadóttur f.h. hóps kennara um allt land þar sem sveitarstjórnir eru hvattar til að setja menntun til sjálfbærni í forgang.

Fylgiskjöl

• Akall-til-sveitarstjorna-um-allt-land-Menntun-til-sjalfbaerni.pdf

Lagt fram til kynningar erindi dagsett 31. maí 2022 frá Ólafi Stephensen, f.h. Félags atvinnurekenda, þar sem skorað er á sveitarfélög landsins að lækka álagningarprósentu fasteignaskatts á atvinnuhúsnæði við gerð fjárhagsáætlana fyrir næsta ár til að bregðast við miklum hækkunum fasteignamats fyrir árið 2023.

Vegna óvenju mikilla hækkana fasteignamats mun bæjarráð skoða alvarlega hvort lækka eigi álagningaprósentu bæði á atvinnu- og íbúðarhúsnæði við gerð fjárhagsáætlunar næsta árs.

Fylgiskjöl

• Sveitarfélög áskorun vegna fasteignaskatts 310522.pdf

Erindi, ódagsett, frá nemendum í 7. og 8. bekk í Brekkuskóla þar sem þau koma á framfæri hugmyndum sínum um hvað ný bæjarstjórn geti bætt fyrir krakka og unglinga á Akureyri á nýju kjörtímabili.

Bæjarráð þakkar nemendum Brekkuskóla fyrir hugmyndirnar og vísar þeim til fræðslu- og lýðheilsuráðs til kynningar.

Lögð fram til kynningar fundargerð 275. fundar stjórnar Norðurorku hf. dagsett 7. júní 2022.

Fylgiskjöl

• 275. fundur 07.06.2022.pdf

Lögð fram áform um breytingu á kosningalögum sem hafa verið birt í Samráðsgátt. Dómsmálaráðuneytið/Landskjörstjórn óskar eftir ábendingum og athugasemdum um áformin, eigi síðar en 1. júlí 2022.

Fylgiskjöl

• Áform um lagasetningu - kosningalög (1).pdf