Bæjarráð - 3869

Áslaug Ásgeirsdóttir rektor Háskólans á Akureyri kynnti starfsemi háskólans.

Bæjarráð þakkar Áslaugu Ásgeirsdóttur fyrir komuna.

Lagður fram viðauki 6.

Dan Jens Brynjarsson sviðsstjóri fjársýslusviðs og Kristín Baldvinsdóttur forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð samþykkir viðauka 6 og vísar honum til staðfestingar í bæjarstjórn.



Viðaukinn er vegna fjölgunar stöðugilda í Skógarlundi til að mæta auknum notendafjölda, samtals 7,0 m.kr., búnaðarkaupa vegna endurbóta í Glerárgötu 26, samtals 7,0 m.kr. sem færast á efnahagsreikning, breytinga á kjarasamningum á árinu samtals 349,1 m.kr. og uppfærðrar úthlutunaráætlunar Jöfnunarsjóðs og aukinnar staðgreiðslu, samtals kr. 1.055 m.kr. Samhliða viðauka er gerð leiðrétting vegna nýrra salerna í Lystigarðinum sem færð er af rekstri yfir á fjárfestingu, launaáætlunar í sameiginlegum kostnaði 75 m.kr., alþingiskosninga 14,0 m.kr. rekstrarútgjöld og tekjur og tilfærslu fjárfestinga í vélaskemmu úr Hlíðarfjalli yfir á Fasteignir Akureyrar, samtals 250 m.kr. Lítilsháttar breytingar verða á áætluðum fjármagnsliðum milli fyrirtækja í a-og b- hluta. Rekstrarniðurstaða samstæðunnar hækkar um 634 m.kr. og handbært fé í árslok hækkar um 617 m.kr.

Fylgiskjöl

• Viðauki 6 2024.pdf

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hagþjónustu og áætlanagerðar og Sumarliði Helgason sviðsstjóri þjónustu- og skipulagssviðs sátu fund bæjarráðs undir þessum lið.

Lögð fram tillaga að starfsáætlun mannauðssviðs fyrir árið 2025.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Kynntur nýr kjarasamningur Visku og Sambands íslenskra sveitarfélaga.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Fylgiskjöl

• Kynning_2024_Viska.docx

Umfjöllun um erindi dagsett 28. október 2024 frá Örnu Jakobínu Björnsdóttur formanni Kjalar stéttarfélags starfsmanna í almannaþjónustu um skipan tveggja fulltrúa Akureyrarbæjar í stjórn Vísindasjóðs Kjalar vegna tónlistarskólakennara.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir að skipa Höllu Margréti Tryggvadóttur sviðsstjóra mannauðssviðs og Þóru Þorsteinsdóttur forstöðumann launadeildar í stjórn sjóðsins.

Fylgiskjöl

• Samþykktir um Vísindasjóð Kjalar stéttarfélags starfsmanna í almannaþjónust v.pdf

Lagt fram erindi dagsett 29. október 2024 frá Hönnu Dóru Markúsdóttur fyrir hönd formanna og samráðsfulltrúa félaga kennara á Norðurlandi eystra með áskorun um skólamál í tengslum við kjaradeilu.

Halla Margrét Tryggvadóttir sviðsstjóri mannauðssviðs sat fund bæjarráðs undir þessu lið.

Bæjarráð þakkar framlagða áskorun kennara og stjórnenda á Norðurlandi eystra og tekur undir mikilvægi þess að fagmennska og gæði séu ávallt ríkjandi í öllu skólastarfi svo tryggja megi börnum og ungmennum góða kennslu. Skilyrðislaust ber að vanda orðræðu um allar starfsstéttir og brýnt er að kjaradeila kennara leysist sem fyrst svo forðast megi frekara rask á skólastarfi.

Fylgiskjöl

• Áskorun til sveitarstjórna á NE.pdf

Lagt fram erindi Helgu G. Eymundsdóttur formanns kjörstjórnar á Akureyri varðandi framkvæmd alþingiskosninga 2024.

Bæjarráð samþykkir tillögur kjörstjórnar vegna alþingiskosninga 30. nóvember næstkomandi.

Rætt um stöðu mála á Akureyrarflugvelli, aukið millilandaflug og seinkun á tilkomu aðflugsferla úr suðri.

Bæjarráð fagnar merkum áfanga í samgöngumálum með reglubundnu millilandaflugi easyJet, fyrst til Gatwick og sl. þriðjudag bættist Manchester við sem áfangastaður.

Hins vegar lýsir bæjarráð yfir áhyggjum með seinagang við hönnun nýrra RNP aðflugsferla úr suðri. Þörf á úrbótum hefur lengi blasað við, sem bæta mun aðgengi og öryggi umtalsvert, ekki síst fyrir núverandi flug easyJet. Í vetur eru áætluð um 100 flug.

Bættir flugferlar úr suðri hafa legið á borði Isavia frá árinu 2020, en frumdrög voru hönnuð þegar árið 2017.

Samkvæmt reglum sem stjórnvöld hafa fullgilt átti að ljúka verkinu fyrir 25. janúar 2024.

Bæjarráð harmar þessa seinkun og skorar á Isavia að ljúka útgáfu RNP ferla sem fyrst.

Lögð fram til kynningar fundargerð 303. fundar stjórnar Norðurorku sem haldinn var 22. október síðastliðinn.

Fylgiskjöl

• Fundargerð 303. fundar stjórnar Norðurorku hf. 02.pdf

Lögð fram til kynningar fundargerð 954. fundar stjórnar Sambands íslenskra sveitarfélaga sem haldinn var mánudaginn 4. nóvember 2024.

Fylgiskjöl

• stjórn Sambands íslenskra sveitarfélaga - 954.pdf

Lagðar fram til kynningar fundargerðir 82. og 83. fundar stjórnar Samtaka sjávarútvegssveitarfélaga ásamt fundargerð aðalfundar sem haldinn var 9. október á Hilton Reykjavík Nordica.

Fylgiskjöl

• Aðalfundur Samtaka sjávarútvegssveitarfélaga.pdf
• Fundargerð stjórnar Samtaka sjávarútvegssveitarfélaga - nr. 82.pdf
• Fundargerð stjórnar Samtaka sjávarútvegssveitarfélaga - nr. 83.pdf

Velferðarnefnd Alþingis sendir til umsagnar mál nr. 79, frumvarp til laga um breytingu á lögum um málefni aldraðra, nr. 125/1999 (réttur til sambúðar): https://www.althingi.is/altext/pdf/155/s/0079.pdf

Velferðarnefnd Alþingis sendir til umsagnar mál nr. 75, tillaga til þingsályktunar um búsetuöryggi í dvalar- og hjúkrunarrýmum: https://www.althingi.is/altext/pdf/155/s/0075.pdf