Skólanefnd - 16

Fyrir fundinn var lögð uppfærð tillaga að fundaáætlun skólanefndar fyrir haustmánuði 2010 og áætlaðar heimsóknir skólanefndar í leik- og grunnskóla Akureyrarbæjar. Þar er gert ráð fyrir því að skólanefnd fari í tvær skólaheimsóknir að morgni alla mánudaga sem fundur er haldinn í nefndinni. Er reiknað með að í febrúar 2011 hafi skólanefnd heimsótt alla leik-, grunn- og tónlistarskóla í Akureyrarbæ.

<DIV&gt;Skólanefnd samþykkir tillöguna.</DIV&gt;

Fyrir fundinn var lagt yfirlit yfir rekstrarstöðu grunnskóla og skóladeildar fyrstu 7 mánuði ársins. Þar kemur fram að rekstur grunnskólanna er á áætlun. Kostnaður vegna skóladeildar er kominn fram úr áætlun vegna forfallakostnaðar og þá er kostnaður vegna skólaaksturs kominn fram úr áætlun.

<DIV&gt;Skólanefnd þakkar starfsfólki skólanna frábært samstarf við aðhald í rekstri skólanna og óskar eftir að áframhald verði þar á.</DIV&gt;

Fyrir fundinn var lagt uppgjör á rekstri skólamötuneyta grunnskólanna fyrir vormisseri 2010. Fram kemur í uppgjörinu að við upphaf nýs skólaárs er hallinn á skólamötuneytunum orðinn nokkur og er ekki hægt að sjá annað en halli verði um 6 milljónir við lok árs með sama áframhaldi. Hráefniskostnaður hefur hækkað nokkuð á árinu og hefur hann mest áhrif á heildarkostnaðinn. Nýting skólamötuneytanna er mikil eða um 80% að meðaltali. Þá voru einnig lagðir fram matseðlar skólanna fyrir ágúst og september 2010.

<DIV&gt;Skólanefnd felur fræðslustjóra að ræða við þá skólastjóra þar sem hráefnisverð er hærra en meðaltal skólanna segir til um. Þá hvetur skólanefnd skólastjórnendur og matráða til að bæta upplýsingar á mánaðarlegum matseðlum á þann veg að þar komi betur fram hvers konar hráefni er verið að nota í matinn. Skólanefnd vill vekja athygli á því að í framhaldi þeirrar umræðu sem var á fundinum verður fyrirkomulag mötuneytanna til frekari skoðunar hjá nefndinni.</DIV&gt;

Fyrir fundinn var lögð tillaga að reglum um styrki til foreldra í Grímsey vegna viðbótarkostnaðar við skólagöngu nemenda í 9. og 10. bekkjum, en þá bekki verða nemendur að sækja í grunnskólana á Akureyri.

<DIV&gt;Skólanefnd samþykkir að óska eftir umsögn hverfisráðs Grímseyjar um tillöguna.</DIV&gt;

Mánudaginn 23. ágúst sl. hófu 2.596 nemendur vetrarstarfið í grunnskólum Akureyrarbæjar og fjölgar nemendum um 10 á milli skólaára. Þar af eru 257 nemendur í 1. bekk að stíga sín fyrstu skref í grunnskóla. Lundarskóli verður fjölmennastur með 487 nemendur og fæstir verða nemendurnir í Grímseyjarskóla eða 12.\nMjög vel gekk að manna grunnskólana á Akureyri eins og undanfarin ár. Hlutfall fagmenntaðra er rétt um 100%. Mikill stöðugleiki hefur einkennt starfsmannahaldið undanfarin ár, sem er mikill styrkur fyrir allt faglegt starf, því grundvöllur þess byggist á hæfu og metnaðarfullu starfsfólki. Í grunnskólunum eru nú 281 stöðugildi við stjórnun, kennslu og ráðgjöf og 97 stöðugildi við önnur störf s.s. umsjónarmenn húsa, skólaliðar, stuðningsfulltrúar og ritarar. Ríflega 400 starfsmenn sitja í þessum 378 stöðugildum. Stöðugildafjöldi starfsmanna er óbreyttur á milli skólaára. Af þessu má leiða að skólahald verður með svipuðu sniði þetta skólaár og verið hefur. Meðaltal nemenda í námshópi er það sama og undanfarin ár eða um 20 nemendur. Þetta á einnig við þegar skoðaður er fjöldi nemenda pr. stöðugildi kennara sem er í raun betri mælikvarði, því algengt er að fleiri en einn kennari komi samtímis að kennslu hvers námshóps. Fjöldi nemenda pr. stöðugildi kennara var ríflega 10 á sl. skólaári og verður eins á þessu.\nLagt fram til kynningar.\n

<DIV&gt;&nbsp;</DIV&gt;

Mennta- og menningarmálamálaráðuneyti hefur auglýst að það hyggist láta gera stofnanaúttektir á þremur leikskólum og þremur grunnskólum á haustmisseri 2010, sbr. lög nr. 90/2008 um leikskóla og lög nr. 91/2008 um grunnskóla, gildandi reglugerðir um mat og eftirlit og þriggja ára áætlanir ráðuneytisins um úttektir á þessum skólastigum. Er auglýst eftir sveitarfélögum sem hafa áhuga á því að fram fari úttekt á starfi leik- og/eða grunnskóla innan þeirra, bæði þeirra sem reknir eru af sveitarfélaginu og öðrum aðilum. Afstaða skólastjóra viðkomandi skóla til úttektarinnar þarf að koma fram í umsókninni.

<DIV&gt;Skólanefnd óskar eftir tilnefningum frá skólastjórum leik- og grunnskóla.</DIV&gt;

Erindi dags. í júní 2010 frá ADHD samtökunum, þar sem óskað er eftir þátttöku í ADHD vitundarviku 20.- 24. september nk. Lagt er til að hver skóli eða stofnun hafi vitundarvikuna með sínu lagi, en áhersla lögð á það að öll umræða og fræðsla skipti hér miklu máli.

<DIV&gt;Skólanefnd hvetur grunnskólana til þátttöku í vitundarvikunni.</DIV&gt;

Á fundinum var farið yfir drög að starfsáætlun málaflokksins og gögn sem henni tengjast s.s. Sameiginlega framtíðarsýn fyrir grunnskólastarfið 2007-2020, sem unnin var í samstarfi FG, SÍ og Sambands íslenskrar sveitarfélaga.

<DIV&gt;Umfjöllun frestað til næsta fundar.</DIV&gt;