Bæjarráð - 3549

Helga Íris Ingólfsdóttir verkefnastjóri Brothættra byggða í Grímsey og Hrísey fór yfir stöðu mála.

Bæjarráð þakkar Helgu Írisi fyrir kynninguna og felur bæjarstjóra að vinna málið áfram í samræmi við umræður á fundinum.

Tekið fyrir að nýju, áður á dagskrá bæjarráðs 16. mars sl. Lögð fram tillaga um breytingu á reglum um laun bæjarfulltrúa og nefndarmanna hjá Akureyrarbæ.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir breytingar á reglum um laun bæjarfulltrúa og nefndarmanna hjá Akureyrarbæ. Jafnframt samþykkir bæjarráð að skipaður verði þriggja manna starfshópur sem ætlað er að gera úttekt á starfsumhverfi bæjarfulltrúa og skila til bæjarráðs fyrir 1. júní nk. Formanni bæjarráðs er falið að gera tillögu að einstaklingum í starfshópinn og leggja hana fyrir á næsta bæjarráðsfundi.

Gunnar Gíslason D-lista óskaði eftir umræðu um samþykktir starfslýsinga og þá sérstaklega starfslýsinga stjórnenda.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Lagðir fram til kynningar minnispunktar frá sameiginlegum fundi bæjarfulltrúa og hverfisnefnda dagsettir 8. mars 2017.

Bæjarráð vísar minnispunktunum til verkefnahóps um persónukjör og felur honum að gera tillögur í samræmi umræður á umræddum fundi.

Lagðir fram til kynningar minnispunktar frá sameiginlegum fundi bæjarráðs og ungmennaráðs dagsettir 23. febrúar 2017.

Bæjarráð vísar minnispunktunum til umfjöllunar hjá frístundaráði.

Erindi dagsett 14. mars 2017 frá stjórn Norðurorku hf þar sem boðað er til aðalfundar Norðurorku hf 31. mars nk. kl. 14:00 í Hofi, Akureyri.

Bæjarráð felur Guðmundi Baldvin Guðmundssyni formanni bæjarráðs að fara með umboð Akureyrarbæjar á fundinum í fjarveru bæjarstjóra.

Lögð fram fundargerð viðtalstíma bæjarfulltrúa dagsett 16. mars 2017.

Bæjarráð vísar 1. lið til fjölskyldusviðs, 2. lið til sviðsstjóra umhverfis- og mannvirkjasviðs, 3. lið til sviðsstjóra skipulagssviðs, sviðsstjóra fræðslusviðs og sviðsstjóra umhverfis- og mannvirkjasviðs, 4. lið til umhverfis- og mannvirkjasviðs og 5. lið til búsetusviðs.

Lögð fram til kynningar 44. fundargerð hverfisnefndar Síðuhverfis dagsett 13. mars 2017. Fundargerðina má finna á netslóðinni:

https://www.akureyri.is/is/stjornkerfid/hverfisnefndir/siduhverfi/fundargerdir

Fylgiskjöl

• Hverfisnefndarfundur_44_13_mars_2017.pdf

Lögð fram til kynningar fundargerð 293. fundar stjórnar Eyþings dagsett 15. mars 2017. Fundargerðina má finna á netslóðinni: http://www.eything.is/is/fundargerdir

Fylgiskjöl

• fundargerð293.pdf

Lagt fram til kynningar erindi dagsett 16. mars 2017 frá allsherjar- og menntamálanefnd Alþingis þar sem óskað er umsagnar um frumvarp til laga um útlendinga (frestun réttaráhrifa o.fl.), 236. mál 2017.

Þess er óskað að undirrituð umsögn berist eigi síðar en 26. mars nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/146/s/0328.html

Fylgiskjöl

• Frumvarp til laga um útlendinga (frestun réttaráhrifa o.fl), 236. mál

Lagt fram til kynningar erindi dagsett 15. mars 2017 frá umhverfis- og samgöngunefnd Alþingis þar sem óskað er umsagnar um frumvarp til laga um breytingu á ýmsum lögum á sviði samgangna (innleiðing alþjóðlegra skuldbindinga, EES-reglur), 234. mál 2017.

Þess er óskað að undirrituð umsögn berist eigi síðar en 29. mars nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/146/s/0326.html

Fylgiskjöl

• Frumvarp til laga um breytingu á ýmsum lögum á sviði samgangna (innleiðing alþjóðlegra skuldbindinga, EES-reglur), 234. mál

Lagt fram til kynningar erindi dagsett 14. mars 2017 frá efnahags- og viðskiptanefnd Alþingis þar sem óskað er umsagnar um frumvarp til laga um tekjustofna sveitarfélaga (afnám lágmarksútvars), 120. mál 2017.

Þess er óskað að undirrituð umsögn berist eigi síðar en 30. mars nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/146/s/0179.html

Fylgiskjöl

• Frumvarp til laga um tekjustofna sveitarfélaga (afnám lágmarksútvars),120. mál

Lagt fram til kynningar erindi dagsett 17. mars 2017 frá umhverfis- og samgöngunefnd Alþingis þar sem óskað er umsagnar um frumvarp til laga um Umhverfisstofnun (heildarlög), 204. mál 2017.

Þess er óskað að undirrituð umsögn berist eigi síðar en 31. mars nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/146/s/0288.html

Fylgiskjöl

• Frumvarp til laga um Umhverfisstofnun (heildarlög), 204. mál