Bæjarráð - 3598

Kynnt vinnuplagg um gerð 10 ára áætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lögð fram drög að fjárhagsáætlanaferli vegna vinnu við gerð fjárhagsáætlunar fyrir árin 2019-2022.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð felur sviðsstjóra fjársýslusviðs að vinna málið áfram.

10. liður í fundargerð umhverfis- og mannvirkjaráðs dagsett 13. apríl 2018:

Lögð fram minnisblöð dagsett 16. febrúar og 14. mars 2018.

Jónas Valdimarsson verkefnastjóri hönnunar sat fundinn undir þessum lið.

Umhverfis- og mannvirkjaráð samþykkir að veita fjármagni í verklið 1, skurður ofan svæðis, að upphæð 4 milljónir króna og verklið 2, lögn meðfram spyrnubraut, að upphæð 50 milljónir króna samkvæmt framlögðu minnisblaði frá Jónasi Valdimarssyni dagsett 14. mars 2018.

Ráðið óskar eftir viðauka vegna verksins til bæjarráðs.

Umhverfis- og mannvirkjaráð felur umhverfis- og mannvirkjasviði að ganga til samninga við Bílaklúbb Akureyrar um framkvæmd verksins.

Þorsteinn Hlynur Jónsson Æ-lista óskar bókað að hann samþykki verklið 1 en hafni verklið 2.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir fjárveitingu að upphæð 54 milljónir króna vegna ofanflóðavarna og drenunar við svæði Bílaklúbbs Akureyrar.

Fylgiskjöl

• Minnisblað frá Eflu 16.feb 2018.pdf
• 2018010434 Bílaklúbbur drenun svæðis jafnréttismat v viðauka.pdf
• BÍLAKL-MB3 ofanvatn og drenun-20180314.pdf

1. liður í fundargerð fræðsluráðs dagsett 30. apríl 2018:

Ósk um viðauka fyrir árið 2018 vegna fjölgunar kennslustunda var lögð fram til kynningar á 9. fundi fræðsluráðs þann 16. apríl 2018.

Fram fór 2. umræða um viðauka vegna fjölgunar kennslustunda í grunnskólum.

Fræðsluráð samþykkir að vísa óskinni um viðauka til bæjarráðs. Skv. 5. grein reglna um gerð og meðferð viðauka við fjárhagsáætlun Akureyrarbæjar fylgir gátlisti vegna jafnréttismats.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir fjárveitingu að upphæð 34 milljónir króna vegna fjölgunar nemenda og barna með sérþarfir.

Fylgiskjöl

• Minnisblað vegna óskar um viðbótarfjárveitingu á árinu 2018.pdf
• Jafnréttismat kennslustundaúthlutun grunnskóla 30.04.18.pdf

4. liður í fundargerð fræðsluráðs dagsett 7. maí 2018:

Málið var tekið fyrir til seinni umræðu á 10. fundi fræðsluráðs 30. apríl 2018. Þá var afgreiðslu frestað þar sem öll gögn málsins lágu ekki fyrir.

Fram fór 2. umræða um viðaukann.

Árni Konráð Bjarnason forstöðumaður rekstrardeildar gerði grein fyrir heildarkostnaði framkvæmda í Lautinni / Tröllaborgum og ástæðum fyrir hækkun á húsaleigu sem verið er að óska eftir aukningu fyrir. Óskað er eftir að þessum kostnaðarauka verði mætt með viðauka upp á 6.650 þús.kr.

Fræðsluráð samþykkir að vísa óskinni um viðauka til bæjarráðs. Jafnframt vill fræðsluráð benda á nauðsyn þess að UMSA upplýsi tímanlega ef breytingar verða á framkvæmdakostnaði sem áhrif hefur á lausafjárleigu.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir fjárveitingu að upphæð 6,65 milljónir króna vegna húsaleigu.

Fylgiskjöl

• Minnisblað vegna hækkunar á húsaleigu lóðar Lautarinnar 5.4.2018.pdf
• Sundurliðun kostnaðar vegna endurbóta við Tröllaborgir.pdf
• Jafnréttismat húsaleiga Tröllaborgir 7.5.2018.pdf

5. liður í fundargerð fræðsluráðs dagsett 7. maí 2018:

Fyrri umræða um viðaukann fór fram á 10. fundi fræðsluráðs 30. apríl 2018. Þá var málinu vísað til 2. umræðu.

Hrafnhildur G Sigurðardóttir leikskólafulltrúi gerði grein fyrir málinu.

Fram fór 2. umræða um viðauka vegna fjölgunar kennslustunda í leikskólum.

Fræðsluráð samþykkir að vísa óskinni um viðauka til bæjarráðs þar sem óskað er eftir viðbótar fjármagni vegna sérkennslumála í leikskólum að upphæð 19.500 þús.kr.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir fjárveitingu að upphæð 19,5 milljónir króna vegna aukinnar sérkennslu leikskólabarna.

Fylgiskjöl

• Minnisblað vegna sérkennslubarna 2018.pdf
• Jafnréttismat sérkennsla leikskóla 7.5.5018.pdf

1. liður í fundargerð stjórnar Akureyrarstofu dagsett 3. maí 2018:

Til umræðu þjónustusamningur við Minjasafnið á Akureyri.

Stjórn Akureyrarstofu samþykkir að óska eftir viðauka að upphæð kr. 7.500.000 sem komi til viðbótar við framlög til safnsins á yfirstandandi ári, til að koma til móts við þróun framlaga til safnsins síðustu ár sem ekki hafa haldist í hendur við verðlagsbreytingar. Jafnframt í framhaldinu verði gengið frá nýjum samningi þar sem tekið verði tillit til verðlagsbreytinga.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð vísar erindinu til frekari umræðu í stjórn Akureyrarstofu.

Fylgiskjöl

• Fjárhagsáætlun_jafnréttismat_v_Minjasafnsins.pdf

Lagður fram viðauki 7.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagðan viðauka 7 að upphæð 107,5 milljónir króna og vísar honum til staðfestingar í bæjarstjórn.

Fylgiskjöl

• Viðauki 7 (2) 2018.pdf

Erindi dagsett 9. maí 2018 frá Gunnari Má Gunnarssyni verkefnastjóra Rannsóknaþings Norðursins við Háskólann á Akureyri þar sem spurst er fyrir um áhuga bæjarráðs á að efna til sameiginlegs norðurslóðaþings þann 17. október nk.

Bæjarráð tekur jákvætt í erindið og felur bæjarstjóra að svara því.

Fylgiskjöl

• Erindi til bæjarráðs_Norðurslóðaþing HA Akureyrarbæjar.pdf

Erindi dagsett 3. maí 2018 frá Haraldi Þór Egilssyni safnstjóra f.h. stjórnar Minjasafnsins á Akureyri. Í erindinu er boðað til aðalfundar Minjasafnsins fimmtudaginn 31. maí nk. kl. 14:00 í sal Zontaklúbbsins á Akureyri, Aðalstræti 54.

Bæjarráð felur Þórgný Dýrfjörð deildarstjóra Akureyrarstofu að fara með umboð Akureyrarbæjar á fundinum.

Fylgiskjöl

• Minjasafnið á Akureyri Aðalfundarboð 2018.pdf

Erindi dagsett 9. maí 2018 frá framkvæmdastjóra Málræktarsjóðs þar sem boðað er til aðalfundar sjóðsins föstudaginn 8. júní nk. kl. 15:30. Fundurinn verður haldinn í fundarsalnum Heklu á Hóteli Sögu í Reykjavík. Akureyrarbær á rétt á að skipa einn mann í fulltrúaráð sjóðsins.

Bæjarráð felur Hólmkeli Hreinssyni að fara með umboð Akureyrarbæjar á aðalfundinum. Einnig tilnefnir bæjarráð Hólmkel í fulltrúaráð Málræktarsjóðs.

Fylgiskjöl

• Aðalfundur Málræktarsjóðs 2018

Lögð fram 30. fundargerð hverfisráðs Grímseyjar dagsett 25. apríl 2018.

Fundargerðina má finna á netslóðinni: https://www.akureyri.is/is/stjornkerfi/stjornsysla/hverfisnefndir/grimsey/fundargerdir

Bæjarráð vísar liðum 1-3 og liðum 5-7 til umhverfis- og mannvirkjasviðs og lið 4 til hafnarstjóra Hafnasamlags Norðurlands.

Lögð fram til kynningar fundargerð 859. fundar stjórnar Sambands íslenskra sveitarfélaga dagsett 27. apríl 2018. Fundargerðina má finna á vefslóðinni: http://www.samband.is/um-okkur/fundargerdir-stjornar/searchmeetings.aspx

Lagt fram til kynningar erindi dagsett 3. maí 2018 frá allsherjar- og menntamálanefnd Alþingis þar sem óskað er umsagnar um frumvarp til laga um Kristnisjóð o.fl. (ókeypis lóðir), 269. mál 2018.

Þess er óskað að undirrituð umsögn berist eigi síðar en 24. maí nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/148/s/0371.html

Bæjarstjóri kynnti stöðu innleiðingar stjórnsýslubreytinga.