Afgreiðslufundur byggingarfulltrúa - 643

Erindi dagsett 20. júlí 2017 þar sem Sveinmar Rafn Stefánsson sækir um breytingar á áður samþykktum teikningum íbúðar 201 í húsi nr. 3 við Skútgil. Meðfylgjandi eru teikningar eftir Harald S. Árnason.

Staðgengill byggingarfulltrúa frestar afgreiðslu með vísan til athugasemda á fylgiblaði.

Erindi dagsett 9. ágúst 2017 þar sem Friðrik Hjaltalín og Svava Þórhildur Hjaltalín sækja um leyfi til að reisa 1,6 m háan skjólvegg umhverfis svalir á efri hæð húss nr. 1 við Vanabyggð. Meðfylgjandi er samþykki meðeiganda í húsi og nágranna aðliggjandi lóðar.

Staðgengill byggingarfulltrúa frestar erindinu og óskar eftir aðaluppdráttum og sérteikningum vegna burðarþols.

Erindi dagsett 14. ágúst 2017 þar sem Gísli Kristinsson fyrir hönd Flugsafns Íslands sækir um leyfi til að setja glugga á norðurgafl hússins við Eyjafjarðarbraut, lnr. 209043, sem hýsir safnið. Meðfylgjandi eru teikningar eftir Gísla Kristinsson.

Staðgengill byggingarfulltrúa samþykkir erindið.

Erindi dagsett 28. febrúar 2017 þar sem Sigurður Einarsson fyrir hönd N1 hf. sækir um breytingar á áður samþykkum teikningum af viðbyggingu við núverandi þjónustustöð við Drottningarbraut. Meðfylgjandi eru teikningar eftir Sigurð Einarsson.

Staðgengill byggingarfulltrúa samþykkir erindið.

Erindi dagsett 15. ágúst 2017 þar sem Sigurður Steingrímsson og Kristjana Friðriksdóttir sækja um byggingarleyfi fyrir kjallara undir sólpall við hús nr. 1 við Beykilund. Meðfylgjandi eru teikningar eftir Árna Gunnar Kristjánsson.

Staðgengill byggingarfulltrúa frestar afgreiðslu með vísan til athugasemda á fylgiblaði.

Erindi dagsett 18. ágúst 2017 þar sem Guttormur Pálsson fyrir hönd VAPPS ehf. segir sig frá lóðinni nr. 8 við Margrétarhaga.

Staðgengill byggingarfulltrúa samþykkir erindið.