Stjórn Akureyrarstofu - 278

Lagt fram til kynningar 8 mánaða rekstraryfirlit MAk.

Þuríður H. Kristjánsdóttir framkvæmdastjóri MAk sat fundinn undir þessum lið.

Stjórn Akureyrarstofu hvetur stjórn MAk og framkvæmdastjóra til að huga vel að rekstri MAk og gæta varfærni.

Til umræðu starfs- og fjárhagsáætlun stjórnar Akureyrarstofu fyrir árið 2020. Tímalína fjárhagsáætlunar lögð fram til kynningar.

Lögð fram til kynningar skýrsla Rannsóknarmiðstöðvar ferðamála (RMF) frá könnun á meðal farþega skemmtiferðaskipta sem framkvæmd var sumarið 2018.

Stjórn Akureyrarstofu óskar eftir að Þórný Barðadóttir sérfræðingur RMF komi á næsta fund til að kynna niðurstöðurnar. Jafnframt er starfsmönnum falið að senda skýrsluna á forstöðumenn safna, til Markaðsstofu Norðurlands og hafnarstjórnar.

Ársreikningur Gásakaupstaðar lagður fram til kynningar. Aðalfundurinn fór fram 14. maí sl.

Almar Alfreðsson verkefnastjóri menningarmála sat fundinn fyrir hönd Akureyrarbæjar.

Erindi dagsett 1. apríl 2019 frá Þorsteini E. Arnórssyni safnstjóra Iðnaðarsafnsins þar sem óskað er eftir því að stjórn Akureyrarstofu skipi fulltrúa Akureyrarbæjar í stjórn Iðnaðarsafnsins.

Stjórn Akureyrarstofu samþykkir að skipa Sóleyju Björk Stefánsdóttur sem fulltrúa Akureyrarbæjar.

Lagt fram til kynningar rekstraryfirlit fyrir fyrstu fjóra mánuði ársins 2019.

Lögð fram til kynningar samantekt á yfirvinnu í hlutfalli við dagvinnu á kostnaðarstöðum sem heyra undir stjórn Akureyrarstofu.

Erindi dagsett 30. apríl 2019 frá Gunnari Magnússyni þar sem hann óskar eftir styrk á móti kostnaði við rekstur á salerni í Hafnarstræti 82 sem opið yrði almenningi daglega frá kl. 08:00-22:00. Hann hefur jafnframt í hyggju að sinna upplýsingaþjónustu samhliða.

Stjórn Akureyrarstofu getur ekki orðið við erindinu.

Erindi dagsett 14. maí 2019 þar sem safnstjóri Listasafnsins, Hlynur Hallsson, óskar eftir því að stjórn Akureyrarstofu tilnefni einn fulltrúa í dómnefnd vegna útboðs á rekstri kaffihúss í Listasafninu.

Stjórn Akureyrarstofu samþykkir að tilnefna Hildu Jönu Gísladóttur sem fulltrúa í dómnefnd.

Stjórn Akureyrarstofu er með boð um heimsókn til menningarfélagsins Kaktus. Fundurinn endaði á heimsókn til félagsins.

Stjórn Akureyrarstofu þakkar gott boð og fyrir góðar móttökur.