Bæjarráð - 3745

Liður 1 í fundargerð umhverfis- og mannvirkjaráðs dagsettri 22. október 2021:

Farið yfir framkvæmdaáætlun 2022 í fasteignum Akureyrarbæjar.

Kristján Snorrason verkefnastjóri nýframkvæmda sat fundinn undir þessum lið.

Umhverfis- og mannvirkjaráð samþykkir framlagða framkvæmdaráætlun fyrir sitt leyti og vísar til bæjarráðs.

Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hag- og áætlanadeildar, Halla Margrét Tryggvadóttir sviðsstjóri stjórnsýslusviðs, Guðríður Friðriksdóttir sviðsstjóri umhverfis- og mannvirkjasviðs og bæjarfulltrúarnir Andri Teitsson, Eva Hrund Einarsdóttir og Þórhallur Jónsson sátu fund bæjarráðs undir þessum lið.

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs, Kristín Baldvinsdóttir forstöðumaður hag- og áætlanadeildar, Halla Margrét Tryggvadóttir sviðsstjóri stjórnsýslusviðs og bæjarfulltrúarnir Andri Teitsson, Eva Hrund Einarsdóttir og Þórhallur Jónsson sátu fund bæjarráðs undir þessum lið.

Lögð fram tillaga að breytingum á samþykkt um stjórn og fundarsköp Akureyrarbæjar.

Inga Þöll Þórgnýsdóttir bæjarlögmaður og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Bæjarráð samþykkir tillögurnar fyrir sitt leyti með þeim breytingum sem ræddar voru á fundinum og vísar málinu til fyrri umræðu í bæjarstjórn.

Rætt um stöðu mála.

Inga Þöll Þórgnýsdóttir bæjarlögmaður, Pétur Ingi Haraldsson sviðsstjóri skipulagssviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Rætt um stöðu mála.

Inga Þöll Þórgnýsdóttir bæjarlögmaður, Pétur Ingi Haraldsson sviðsstjóri skipulagssviðs og Halla Margrét Tryggvadóttir sviðsstjóri stjórnsýslusviðs sátu fund bæjarráðs undir þessum lið.

Umfjöllun um réttindi og kjör ungs fólks í Fjölsmiðjunni á Akureyri.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð felur sviðsstjóra stjórnsýslusviðs og lögfræðingi velferðarsviðs að vinna að gerð samkomulags við Einingu-Iðju vegna ungmenna í starfsþjálfun í Fjölsmiðjunni.

Fylgiskjöl

• Fjölsmiðjan__rssk__rsla-2021.pdf

Lagðar fram tillögur að breytingum á verklagsreglum um ritun fundargerða. Fyrst og fremst er um að ræða aðlögun reglnanna að útgefnum leiðbeiningum frá samgöngu- og sveitarstjórnarráðuneytinu um ritun fundargerða sveitarstjórna. Helstu breytingar eru að framvegis verða fundargerðir aðeins skráðar, undirritaðar og varðveittar með rafrænum hætti.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir framlögð drög að verklagsreglum um fundarritun og birtingu fylgigagna með fundargerðum.

Fylgiskjöl

• Verklagsreglur_um_fundarritun_drog_ad_endurskodun_2021_m_breyt_27.10.21.pdf
• Verklagsreglur_um_fundarritun_og_birtingu_gagna_med_fundargerdum_endursk_samth_28.10.2021.pdf

Liður 3 í fundargerð ungmennaráðs dagsettri 14. október 2021:

Fyrirkomulag og framkvæmd kosninga í ungmennaráð í nóvember 2021.

Ákveðið var að hafa kosningarnar með sama fyrirkomulagi og í fyrra fáist samþykki fyrir því hjá bæjarráði.

Bæjarráð samþykkir ákvörðun ungmennaráðs um framkvæmd kosninga í ungmennaráð 2021.

Lögð fram til kynningar fundargerð 30. fundar stjórnar SSNE dagsett 13. október 2021.

Fundargerðir stjórnarinnar er að finna á eftirfarandi slóð: https://www.ssne.is/is/fundargerdir/stjorn-ssne

Fylgiskjöl

• Fundargerð 30. fundar.pdf