Bæjarráð - 3793

Liður 7 í fundargerð velferðarráðs dagsettri 14. desember 2022:

Lögð fram tillaga um afskriftir lána að upphæð kr. 2.370.428.

Anna Marit Níelsdóttir forstöðumaður og Kolbeinn Aðalsteinsson forstöðumaður skrifstofu sátu fundinn undir þessum lið.

Velferðarráð samþykkir tillögu að afskrift lána og vísar málinu áfram til bæjarráðs.

Bæjarráð samþykkir tillögu um að afskrifuð verði lán sem veitt voru 2013-2018 þar sem hefðbundnar innheimtuaðgerðir hafa verið reyndar án árangurs. Heildarfjárhæð er kr. 2.370.428.

Tekið fyrir erindisbréf vegna stýrihóps verkefnisins Barnvænt sveitarfélag. Hópurinn samanstendur af kjörnum fulltrúum frá meirihluta og minnihluta, fulltrúum allra sviða sveitarfélagsins og að minnsta kosti fjórum fulltrúum úr ungmennaráði.

Bæjarráð samþykkir að skipa Heimi Örn Árnason og Ölfu Jóhannsdóttur í stýrihópinn.

Fylgiskjöl

• Erindisbréf stýrihóps um Barnvænt sveitarfélag.pdf

Liður 2 í fundargerð umhverfis- og mannvirkjaráðs dagsettri 20. desember 2022:

Lagt fram minnisblað dagsett 19. desember 2022 varðandi sölu á Strandgötu 17.

Steindór Ívar Ívarsson forstöðumaður viðhalds sat fundinn undir þessum lið.

Umhverfis- og mannvirkjaráð samþykkir fyrir sitt leyti að taka hæsta tilboði í húsið með þeim kvöðum sem getið er í söluyfirliti og vísar því til afgreiðslu bæjarráðs.

Dan Jens Brynjarsson sviðsstjóri fjársýslusviðs og Pétur Ingi Haraldsson skipulagsfulltrúi sátu fund bæjarráðs undir þessum lið.

Bæjarráð staðfestir ákvörðun umhverfis- og mannvirkjaráðs og samþykkir að taka hæsta tilboði í húsið með þeim kvöðum sem getið er um í söluyfirliti. Bæjarráð samþykkir jafnframt að útbúinn verði nýr lóðarleigusamningur fyrir lóðina til samræmis við gildandi deiliskipulag svæðisins en samkvæmt því er gert ráð fyrir minnkun lóðarinnar, þannig að hún verði um 172 fermetrar. Ekki verði greiddar bætur vegna skerðingar á lóð samanber kvöð um að hluti hússins skuli rifinn samkvæmt gildandi skipulagi.

Umræða um málefni Grímseyjar og næstu skref í ljósi þess að byggðaþróunarverkefninu Glæðum Grímsey er að ljúka.

Sumarliði Helgason sviðsstjóri þjónustu- og skipulagssviðs og Þórgnýr Dýrfjörð forstöðumaður atvinnu- og menningarmála sátu fund bæjarráðs undir þessum lið.

Lokafundur verkefnisins Glæðum Grímsey verður haldinn um miðjan febrúar næstkomandi. Akureyrarbær mun senda fulltrúa á fundinn þar sem næstu skref í kjölfar verkefnisins verða kynnt.

Rætt um málefni Iðnaðarsafnsins á Akureyri.

Sumarliði Helgason sviðsstjóri þjónustu- og skipulagssviðs, Þórgnýr Dýrfjörð forstöðumaður atvinnu- og menningarmála, Sigfús Ólafur Helgason og Þorsteinn E. Arnórsson frá Iðnaðarsafninu sátu fund bæjarráðs undir þessum lið.

Bæjarráð þakkar Sigfúsi og Þorsteini fyrir komuna á fundinn.

Erindi dagsett 9. desember 2022 frá Maríu Björk Ingvadóttur f.h. N4 þar sem sveitarfélögum á Norðurlandi eystra er boðið til viðræðna um að efla fjölmiðlun frá svæðinu.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð þakkar gott boð og góða umfjöllun um svæðið en getur ekki orðið við erindinu að þessu sinni.

Erindi móttekið 20. desember 2022 frá Sigurbjörgu Pálsdóttur þar sem óskað er eftir að Akureyrarbær greiði reikning fyrir könnun sem gerð var að frumkvæði sendanda vegna fyrirhugaðra skipulagsbreytinga við Leiruvöll.

Bæjarráð getur ekki orðið við erindinu.

Lögð fram til kynningar fundargerð 158. fundar hverfisráðs Hríseyjar dagsett 12. desember 2022.

Fylgiskjöl

• 158. fundur 12.12.2022.pdf

Lögð fram til kynningar fundargerð 281. fundar stjórnar Norðurorku hf. dagsett 20. desember 2022.

Fylgiskjöl

• Fundargerð 281. fundar.pdf

Lögð fram til kynningar fundargerð 45. fundar stjórnar SSNE dagsett 9. desember 2022.

Fylgiskjöl

• Fundargerð 45. fundar SSNE.pdf

Lögð fram til kynningar fundargerð 916. fundar stjórnar Sambands íslenskra sveitarfélaga dagsett 14. desember 2022.

Fylgiskjöl

• stjórn Sambands íslenskra sveitarfélaga - 916 (3).pdf

Lagt fram til kynningar erindi dagsett 16. desember 2022 frá atvinnuveganefnd Alþingis þar sem óskað er umsagnar um frumvarp til laga um breytingu á lögum um veiðar í fiskveiðilandhelgi Íslands, nr. 79/1997 aflvísir, 538. mál 2022.

Þess er óskað að undirrituð umsögn berist eigi síðar en 10. janúar nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/0680.pdf

Lagt fram til kynningar erindi dagsett 16. desember 2022 frá atvinnuveganefnd Alþingis þar sem óskað er umsagnar um frumvarp til laga um breytingu á lögum um stjórn fiskveiða, nr. 116/2006 orkuskipti, 537. mál 2022.

Þess er óskað að undirrituð umsögn berist eigi síðar en 10. janúar nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/153/s/0679.pdf