Bæjarráð - 3504

4. liður í fundargerð bæjarstjórnar dagsett 19. apríl 2016:

Fram kom tillaga um að vísa ársreikningnum til bæjarráðs og síðari umræðu í bæjarstjórn og var hún samþykkt með 11 samhljóða atkvæðum.

Dan Jens Brynjarsson fjármálastjóri sat fund bæjarráðs undir þessum lið.

Bæjarráð vísar ársreikningi Akureyrarbæjar fyrir árið 2015 til síðari umræðu í bæjarstjórn.

Sóley Björk Stefánsdóttir V-lista mætti á fundinn kl. 08:33. <br />

Lagt fram til kynningar yfirlit um rekstur aðalsjóðs frá janúar til mars 2016.

Dan Jens Brynjarsson fjármálastjóri sat fund bæjarráðs undir þessum lið.

Lögð fram drög að afsali vegna uppkaupa á hluta eignarlóðar að Hafnarstræti 90, Akureyri.

Inga Þöll Þórgnýsdóttir bæjarlögmaður og Dan Jens Brynjarsson fjármálastjóri sátu fund bæjarráðs undir þessum lið.

Bæjarráð samþykkir uppkaupin.

Rætt um reglur.

Bæjarráð Akureyrar beinir því til Sambands íslenskra sveitarfélaga að vinna samræmdar leiðbeinandi reglur um hagsmunaskráningu sveitarstjórnarmanna og stjórnendur sveitarfélaga.

Tekið fyrir að nýju erindi dagsett 5. apríl 2016 frá Västerås þar sem tveimur fulltrúum Akureyrarbæjar er boðið á árlegt tenglamót sem nú er haldið í Västerås dagana 9. og 10. júní nk. Áður á dagskrá bæjarráðs 14. apríl 2016.

Bæjarráð samþykkir að forseti bæjarstjórnar og bæjarstjóri verði fulltrúar Akureyrarkaupstaðar á tenglamótinu.

Lögð fram drög að samkomulagi um aukna byggðafestu í Grímsey.

Bæjarráð samþykkir samkomulagið fyrir sitt leyti og felur bæjarstjóra að staðfesta það fyrir hönd bæjarins.

Erindi dagsett 12. apríl 2016 þar sem Símey boðar til aðalfundar 2016. Fundurinn verður haldinn 28. apríl nk. kl. 15:00 í húsnæði Símeyjar að Þórsstíg 4, Akureyri.

Bæjarráð felur Ingunni Helgu Bjarnadóttur verkefnastjóra starfsþróunar að fara með umboð Akureyrarbæjar á aðalfundinum.

Erindi dagsett 14. apríl 2016 frá Sveinbjörgu Sveinsdóttur framkvæmdastjóra f.h. stjórnar Landskerfis bókasafna hf þar sem boðað er til aðalfundar félagsins þriðjudaginn 10. maí nk. kl. 15:00 að Katrínartúni 2, 2. hæð, Reykjavík.

Bæjarráð felur Karli Guðmundssyni að fara með umboð Akureyrarbæjar á fundinum.

Lagt fram til kynningar erindi dagsett 20. apríl 2016 frá umhverfis- og samgöngunefnd Alþingis þar sem óskað er umsagnar um tillögu til þingsályktunar um fjögurra ára samgönguáætlun 2015-2018, 638. mál.

Þess er óskað að undirrituð umsögn berist eigi síðar en 27. apríl 2016 á netfangið nefndasvid@althingi.is. Þingskjalið er hægt að sækja á vef Alþingis: http://www.althingi.is/altext/145/s/1061.html

Bæjarráð felur bæjarstjóra að senda inn umsögn byggða á bókun bæjarstjórnar á fundi 19. apríl sl.

Lagt fram til kynningar erindi dagsett 22. apríl 2016 frá allsherjar- og menntamálanefnd Alþingis þar sem óskað er umsagnar um frumvarp til laga um útlendinga, 728. mál 2016.

Þess er óskað að undirrituð umsögn berist eigi síðar en 6. maí nk. á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/1180.html

Lagt fram til kynningar erindi dagsett 22. apríl 2016 frá allsherjar- og menntamálanefnd Alþingis þar sem óskað er umsagnar um tillögu til þingsályktunar um stofnun embættis umboðsmanns flóttamanna, 449. mál.

Þess er óskað að undirrituð umsögn berist eigi síðar en 6. maí 2016 á netfangið nefndasvid@althingi.is. Þingskjalið er hægt að sækja á vef Alþingis: http://www.althingi.is/altext/145/s/0667.html