Bæjarráð - 3442

Lagt fram til kynningar yfirlit um rekstur aðalsjóðs frá janúar til október 2014.\nDan Jens Brynjarsson fjármálastjóri sat fund bæjarráðs undir þessum lið.

Lögð fram tillaga að endurskoðuðum reglum um nefndalaun.

Bæjarráð samþykkir reglurnar.

Lagður fram viðauki dagsettur 18. desember 2014 við ráðningarsamning bæjarstjóra dags. 18. júní 2014.

Meirihluti bæjarráðs staðfestir viðaukann við ráðningarsamninginn.\nGunnar Gíslason D-lista sat hjá við afgreiðslu.

Lagður fram undirskriftarlisti frá 40 Grímseyingum sem afhentur var bæjarstjóra 10. desember 2014. \nÍ undirskriftarlistanum er óskað eftir að ferjusiglingum verði fjölgað í 5 ferðir á viku í a.m.k. 4 mánuði, þ.e. í maí, júní, júlí og ágúst, vegna mikilla hagsmuna með tilliti til fiskveiða og ferðaþjónustu.

Bæjarráð tekur undir sjónarmið Grímseyinga og felur bæjarstjóra að vinna að málinu.

Lögð fram fundargerð viðtalstíma bæjarfulltrúa dagsett 11. desember 2014. Fundargerðin er í 1 lið.

Bæjarráð vísar fundargerðinni til framkvæmdadeildar.

2. liður í fundargerð bæjarstjórnar dagsett 2. desember 2014:\nGunnar Gíslason D-lista lagði fram tillögu að bókun svohljóðandi:\nBæjarstjórn Akureyrarbæjar samþykkir að fela bæjarráði að móta tillögu að stefnu Akureyrarbæjar í íbúalýðræði og aukinni virkni íbúa í stjórnsýslu bæjarins. \nBæjarstjórn samþykkir framlagða tillögu með 11 samhljóða atkvæðum.

Málið rætt í bæjarráði.

4. liður í fundargerð bæjarstjórnar dagsett 2. desember 2014:\nSóley Björk Stefánsdóttir V-lista lagði fram tillögu að bókun svohljóðandi:\nBæjarstjórn Akureyrarbæjar samþykkir að fela bæjarráði að móta tillögu að stefnu Akureyrarbæjar um að auka gagnsæi í stjórnsýslu bæjarins.\nBæjarstjórn samþykkir framlagða tillögu með 11 samhljóða atkvæðum.

Málið rætt í bæjarráði.