Bæjarráð - 3538

Dan Jens Brynjarsson sviðsstjóri fjársýslusviðs kynnti stöðu mála.

Bæjarráð veitir bæjarstjóra heimild til að undirrita samkomulag vegna lífeyrisskuldbindinga á grundvelli fyrirliggjandi samningsdraga með fyrirvara um samþykki bæjarstjórnar.

Tekið fyrir að nýju, bæjarráð fól á fundi sínum 15. desember 2016 fjármálastjóra og bæjarstjóra að ræða við bréfritara.

Lögð fram beiðni Golfklúbbs Akureyrar dagsett 5. desember 2016 um heimild til að veðsetja eigur félagsins.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir heimild til lántöku og veðsetningar allt að 57 milljónir króna til 10 ára með þeim skilyrðum að það lán sem heimild fékkst fyrir í upphafi ársins 2016 verði greitt upp með þessu nýja láni.

1. liður í dagskrá bæjarráðs dagsett 19. desember 2016:

Ráðningar millistjórnenda á ný svið

2016120016

12. liður í fundargerð bæjarráðs dagsett 15. desember 2016:

Rætt um fyrirkomulag ráðninga millistjórnenda á ný svið Akureyrarbæjar.

Bæjarráð samþykkir að kalla til auka bæjarráðsfundar mánudaginn 19. desember kl. 08:00 til að ræða málið frekar.

Gunnar Gíslason D-lista óskar bókað:

Ég legg til að sá aðgerðahópur sem skipaður var af bæjaráði til að vinna að innleiðingu stjórnsýslubreytinga sem samþykktar hafa verið, verði lagður niður. Það er búið að ráða sviðsstjóra og það er þeirra hlutverk í samráði við sína starfsmenn og bæjarstjóra að skipa málum hver á sínu sviði. Ef fram koma tillögur um breytingu á skipuriti sviða í þeirri vinnu verða þær tillögur lagðar fyrir viðkomandi fagnefnd og stjórnsýslunefnd.

Guðmundur Baldvin Guðmundsson B-lista, Matthías Rögnvaldsson L-lista, Sigríður Huld Jónsdóttir S-lista og Sóley Björk Stefánsdóttir V-lista lögðu fram tillögu um að ekki yrði tekin afstaða til tillögu Gunnars á þessum fundi.

Tillagan var samþykkt með atkvæðum meirihluta bæjarráðs.

Gunnar Gíslason D-lista greiddi atkvæði á móti tillögunni og Preben Jón Pétursson Æ-lista sat hjá.

Meirihluti bæjarráðs getur ekki fallist á áður framkomna tillögu Gunnars Gíslasonar. Bæjarstjórn Akureyrar samþykkti samhljóða þann 4. október sl. tillögu bæjarráð frá 29. september sl. um að skipa þau Matthías Rögnvaldsson og Sóleyju Björk Stefánsdóttur í aðgerðahóp til að starfa með bæjarstjóra að framkvæmd stjórnsýslubreytinganna. Mikilvægt er að aðgerðahópurinn, í umboði bæjarráðs, hafi áfram eftirlit með innleiðingarferlinu. Jafnframt leggur meirihluti bæjarráðs áherslu á að bæjarráð verði upplýst um framgang innleiðingarinnar.

Meirihluti bæjarráðs samþykkti framlagða bókun.

Gunnar Gíslason D-lista greiddi atkvæði á móti.



Gunnar Gíslason D-lista óskar bókað:

Ég tel að aðgerðahópinn eigi að leggja niður og bæjarráð taki að sér hlutverk hans innan þeirra marka sem stjórnsýslureglur Akureyrarkaupstaðar gefa tilefni til. Það er að minnsta kosti ljóst að aðgerðahópurinn starfar ekki lengur í mínu umboði sem bæjarfulltrúa í bæjarráði.

Í höfuðborg Íslands er eina hátæknisjúkrahús landsins. Það er því lífsnauðsynlegt að þangað sé ávallt greið leið með sjúklinga hvort sem er af höfðuborgarsvæðinu eða landsbyggðunum. Lokun Neyðarbrautarinnar svokölluðu á Reykjavíkurflugvelli hefur á undangengnum vikum leitt til þess að sjúkraflugvélar hafa ekki getað lent í Reykjavík né annars staðar á Suðvestur horninu með alvarlega veika einstaklinga, sem hafa þurft á bráðnauðsynlegri umönnun að halda á þessu eina hátæknisjúkrahúsi okkar landsmanna. Það er því ófrávíkjanleg krafa bæjarráðs Akureyrarkaupstaðar að Neyðarbraut Reykjavíkurflugvallar verði opnuð aftur þar til önnur og jafngóð lausn finnst.

Bæjarráð skorar á Borgarstjórn Reykjavíkurborgar, innanríkisráðherra og Alþingi að stuðla að því að svo geti orðið.