Bæjarráð - 3718

Rætt um fyrirkomulag atvinnuátaks fyrir 18-25 ára sumarið 2021.

Halla Margrét Tryggvadóttir sviðsstjóri stjórnsýslusviðs og Kristinn J. Reimarsson sviðsstjóri samfélagssviðs sátu fund bæjarráðs undir þessum lið.

Bæjarráð samþykkir með fimm samhljóða atkvæðum að tímafjöldi í atvinnuátaki 18-25 ára verði sá sami og undanfarin ár, 175 tímar á hvern starfsmann.

Lögð fram drög að samningi við Stólalyftu ehf. um greiðslur og afhendingu nýrrar stólalyftu.

Dan Jens Brynjarsson sviðsstjóri fjársýslusviðs, Inga Þöll Þórgnýsdóttir bæjarlögmaður og Kristinn J. Reimarsson sviðsstjóri samfélagssviðs sátu fund bæjarráðs undir þessum lið.

Meirihluti bæjarráðs staðfestir samninginn og felur bæjarstjóra að undirrita hann fyrir hönd bæjarins.

Hlynur Jóhannsson M-lista situr hjá við afgreiðsluna.

Erindi dagsett 17. nóvember 2020 þar sem Tómas Már Sigurðsson forstjóri HS Orku hf. óskar eftir formlegum viðræðum við eigendur Fallorku ehf. um hugsanleg kaup á félaginu.

Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð telur ekki tímabært að ræða hugsanlega sölu og felur bæjarstjóra að svara erindinu.

Fylgiskjöl

• Ósk um viðræður um Fallorku ehf.pdf

Lögð fram drög að kaupsamningi milli Hörgársveitar og Akureyrarbæjar um landspildu úr landi Blómsturvalla við Lækjarvelli.

Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Meirihluti bæjarráðs samþykkir að selja Hörgársveit spildu úr landi Blómsturvalla, 11.248 fermetra að stærð, umhverfis lóðirnar nr. 2a og 2b við götuna Lækjarvelli í Hörgársveit sbr. framlögð drög að kaupsamningi. Bæjarráð felur sviðsstjóra fjársýslusviðs að undirrita samninginn fyrir hönd Akureyrarbæjar og ganga frá öðrum skjölum og gögnum honum tengdum.

Gunnar Gíslason D-lista greiðir atkvæði á móti afgreiðslunni.

Rætt um kaup á landspildu úr landi Hesjuvalla.

Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Lögð fram drög að endurskoðaðri samþykkt fyrir hverfisráð Hríseyjar og Grímseyjar.

Inga Þöll Þórgnýsdóttir bæjarlögmaður og Dan Jens Brynjarsson sviðsstjóri fjársýslusviðs sátu fund bæjarráðs undir þessum lið.

Bæjarráð óskar eftir umsögnum hverfisráða Hríseyjar og Grímseyjar um drög að endurskoðaðri samþykkt fyrir ráðin.

Erindi dagsett 23. febrúar 2021 frá skólaráði Glerárskóla þar sem skorað er á bæjaryfirvöld að endurskoða fjárveitingar til framkvæmda við skólann með það að markmiði að flýta þeim svo þeim verði lokið eigi síðar en árið 2022.

Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð vísar áskoruninni til gerðar fjárhagsáætlunar 2022-2025.

Fylgiskjöl

• 2021.02.26 - Áskorun til bæjarráðs Akureyrarbæjar.pdf

Ásthildur Sturludóttir bæjarstjóri og Heiðar Ásberg Atlason lögmaður fóru yfir stöðu mála varðandi yfirfærslu rekstrar Öldrunarheimila Akureyrar.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri stjórnsýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð þakkar Heiðari fyrir komuna á fundinn.

Lögð fram til kynningar fundargerð 22. stjórnarfundar SSNE dagsett 22. febrúar 2021.

Fundargerðir stjórnarinnar er að finna á eftirfarandi slóð: https://www.ssne.is/is/fundargerdir/stjorn-ssne

Bæjarráð tekur undir eftirfarandi bókun stjórnar SSNE um tilllögu að aðgerð í Byggðaáætlun:

"Almennt verði gert ráð fyrir því að, að minnsta kosti, þriðjungur einstaklinga sem

tilnefndir eru í stjórnir, ráð og starfshópa á vegum ríkisins séu búsettir utan höfuðborgarsvæðisins".

Lagt fram til kynningar erindi dagsett 18. febrúar 2021 frá allsherjar- og menntamálanefnd Alþingis þar sem óskað er umsagnar um frumvarp til laga um breytingu á áfengislögum (sala á framleiðslustað), 504. mál 2021.

Þess er óskað að undirrituð umsögn berist eigi síðar en 4. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0850.html

Lagt fram til kynningar erindi dagsett 18. febrúar 2021 frá umhverfis- og samgöngunefnd Alþingis þar sem óskað er umsagnar um frumvarp til laga um breytingu á vegalögum, nr. 80/2007, með síðari breytingum (þjóðferjuleiðir), 137. mál 2021.

Þess er óskað að undirrituð umsögn berist eigi síðar en 4. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0138.html

Lagt fram til kynningar erindi dagsett 22. febrúar 2021 frá stjórnskipunar- og eftirlitsnefnd Alþingis þar sem óskað er umsagnar um frumvarp til laga um stjórnarskipunarlög (kosningaaldur), 188. mál 2021.

Þess er óskað að undirrituð umsögn berist eigi síðar en 15. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0189.html

Lagt fram til kynningar erindi dagsett 23. febrúar 2021 frá allsherjar- og menntamálanefnd Alþingis þar sem óskað er umsagnar um frumvarp til laga um breytingu á lögum um grunnskóla nr. 91/2008 (kristinfræðikennsla), 141. mál 2021.

Þess er óskað að undirrituð umsögn berist eigi síðar en 9. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0142.html

Lagt fram til kynningar erindi dagsett 23. febrúar 2021 frá atvinnuveganefnd Alþingis þar sem óskað er umsagnar um frumvarp til laga um breytingu á lögum um matvæli (sýklalyfjanotkun), 140. mál 2021.

Þess er óskað að undirrituð umsögn berist eigi síðar en 9. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0141.html

Lagt fram til kynningar erindi dagsett 23. febrúar 2021 frá umhverfis- og samgöngunefnd Alþingis þar sem óskað er umsagnar um frumvarp til laga um breytingu á hafnalögum nr. 61/2003 (EES-reglur, gjaldtaka, rafræn vöktun), 509. mál 2021.

Þess er óskað að undirrituð umsögn berist eigi síðar en 9. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0855.html

Lagt fram til kynningar erindi dagsett 24. febrúar 2021 frá velferðarnefnd Alþingis þar sem óskað er umsagnar um frumvarp til laga um málefni innflytjenda (móttaka flóttafólks og innflytjendaráð), 452. mál 2021.

Þess er óskað að undirrituð umsögn berist eigi síðar en 10. mars nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/0771.html