Bæjarráð - 3595

Lagður fram viðauki 4 við fjárhagsáætlun ársins 2018 og jafnréttismat vegna viðaukans.

Bæjarráð samþykkir framlagðan viðauka og vísar honum til staðfestingar í bæjarstjórn.

Fylgiskjöl

• Viðauki 4 2018.pdf
• Jafnréttismat v viðauka 4 Compact of Mayors.pdf

Dómur Héraðsdóms Norðurlands eystra í skaðabótamáli Jóhönnu G. Einarsdóttur gegn Akureyrarbæ.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Bæjarráð samþykkir að áfrýja ekki niðurstöðu dómsins.

Eiríkur Björn Björgvinsson vék af fundi kl. 08:25.

Fylgiskjöl

• SKMBT_28318040514530.pdf

Erindi frá Byggðastofnun dagsett 5. apríl 2018 þar sem óskað er umsagnar Akureyrarbæjar vegna umsóknar K&G ehf um Aflamark Byggðastofnunar í Hrísey.

Bæjarráð gerir ekki athugasemd við tillögu Byggðastofnunar.

Fylgiskjöl

• Akureyrarbær_bref_Hrísey.pdf
• umsokn.pdf
• Matsblað - Hrísey- KogG.PDF

Lagt fram erindi dagsett 10. apríl 2018 frá formanni kjörstjórnar Akureyrar vegna komandi sveitarstjórnarkosninga þann 26. maí nk. Þar kemur fram tillaga kjörstjórnar um að Akureyrarkaupstað verði skipt í tólf kjördeildir, tíu á Akureyri, ein í Hrísey og ein í Grímsey. Lagt er til að á Akureyri verði kjörstaður í Verkmenntaskólanum á Akureyri, í Hrísey verði kjörstaður í Hríseyjarskóla og að í Grímsey verði kjörstaður í Grímseyjarskóla. Lagt er til að tveir kjörklefar verði í hverri kjördeild á Akureyri, í Hrísey og í Grímsey. Þá hefur kjörstjórn enn fremur ákveðið að leggja til við bæjarráð að kjörfundur standi frá klukkan 09:00 til 22:00 á Akureyri, í Hrísey og í Grímsey. Óskar kjörstjórn eftir því við bæjarráð að ofangreindar tillögur verði samþykktar.

Bæjarráð samþykkir tillögur kjörstjórnar Akureyrar.

Fylgiskjöl

• Tillaga kjörstjórnar til bæjarráðs vegna komandi sveitarstjórnarkosninga

Eiríkur Björn Björgvinsson mætti aftur til fundar kl. 09:00.

Kynnt fyrirhuguð heimsókn færeyskrar sendinefndar til Akureyrar þann 19. september nk. í tengslum við ferðasýningu.

Lögð fram fundargerð viðtalstíma bæjarfulltrúa dagsett 12. apríl 2018.

Bæjarráð vísar 1. og 4. lið til umhverfis- og mannvirkjasviðs, 2. og 6. lið til fjársýslusviðs, 3. lið til kjarasamninganefndar, 5. liður er lagður fram til kynningar, 7. og 8. lið er vísað til umhverfis- og mannvirkjaráðs og 9. lið til fræðslusviðs.

Formaður bæjarráðs greindi frá ársfundi Northern Forum sem haldinn var dagana 11. og 12. apríl sl. í Krasnoyarsk í Rússlandi.

Fylgiskjöl

• Ársfundur Northern Forum 2018 fundargerð.pdf

Erindi dagsett 10. apríl 2018 frá Jóhanni Steinari Jóhannssyni f.h. stjórnar Stapa lífeyrissjóðs þar sem boðað er til ársfundar sjóðsins miðvikudaginn 9. maí nk. Fundurinn verður haldinn í Menningarhúsinu Hofi á Akureyri og hefst kl. 14:00.

Bæjarráð felur bæjarstjóra að fara með umboð Akureyrarbæjar á fundinum.

Fylgiskjöl

• Fundarboð til ársfundar Stapa 2018